Foto: Aqorda
Memleket basshysynyń aıtýynsha, Aq úı ákimshiligine Donald Tramp kelgennen bastap Vashıngton Astanamen jáne Ortalyq Azııa aımaǵymen yqpaldastyqty aıtarlyqtaı jandandyra túsken.
«Biz AQSh Prezıdentiniń dıplomatııaǵa degen batyl kózqarasyn jáne pragmatıkalyq ustanymyn tolyq qoldaımyz. Qazaqstan Amerıkanyń Ibrahım kelisimderi, Beıbitshilik keńesi, TRIPP bastamasy jáne basqa da negizgi jobalaryn ilgeriletýge belsendi atsalysyp jatyr. Birlesken kúsh-jigerimiz búginde burynǵydan da bekı túsken keńeıtilgen strategııalyq seriktestigimizge tyń serpin berdi. Sizdiń saparyńyz Qazaqstandaǵy aýqymdy saıası jáne ekonomıkalyq ózgeristermen tuspa-tus kelip otyr. Bul reformalar elimizdi resýrstarǵa táýeldi modelden bilimge baǵdarlanǵan ártarapty ekonomıkaǵa kóshirýge baǵyttalǵan. Korporasııańyzdyń ınvestısııalyq basymdyqtary Qazaqstannyń damý kún tártibine saı keledi. Biz naqty ári ózara tıimdi yntymaqtastyqqa daıynbyz», dedi Prezıdent.
Ben Blek qonaqjaılyq kórsetkeni úshin Memleket basshysyna alǵys aıtyp, Almatyda Qazaqstannyń iskerlik qaýymdastyǵymen óte nátıjeli ári mazmundy kezdesý ótkenine toqtaldy.
Memleket basshysy AQSh Prezıdenti Donald Trampqa quttyqtaý jedelhatyn joldady
Qasym-Jomart Toqaev atalǵan kezdesýlerdiń ekijaqty baılanystardy keńeıtý turǵysynan ózektiligine jáne qol jetkizilgen ýaǵdalastyqtardy naqty iske asyrý qajettigine aıryqsha nazar aýdardy. Memleket basshysy Qazaqstan tarapy birlesken ınvestısııalyq jobalardy qolǵa alýǵa daıyn ekenin rastady.
Kezdesýde asa mańyzdy mıneraldar, ózara kólik baılanysy, agroónerkásip kesheni, sıfrlandyrý jáne jasandy ıntellekt salalaryndaǵy yntymaqtastyq perspektıvasy talqylandy. Sonymen birge Qazaqstanda AQSh Qarjy korporasııasynyń halyqaralyq damý jónindegi turaqty ókildigin ashý máselesi qaraldy.
Eske sala keteıik, buǵan deıin Qasym-Jomart Toqaev Qytaı Halyq Respýblıkasynyń Tóraǵasy Sı Szınpınniń týǵan kúnine oraı quttyqtaý jedelhatyn joldady.
