Foto: istockphoto.com
Sot otyrysy barysynda memlekettik aıyptaýshy QazTAG agenttiginiń bas dırektory Ámir Qasenovke qatysty úıqamaq túrindegi bultartpaý sharasyn kúzetpen ustaýǵa aýystyrý týraly ótinishhat berdi.
Sot málimetinshe, 2025 jylǵy 24 jeltoqsandaǵy qaýlyǵa sáıkes aıyptalýshyǵa áleýmettik jelilerdi, ınternet jelisin, baılanys quraldaryn paıdalanýǵa jáne hat-habar almasýǵa tyıym salynǵan bolatyn. Keıin 2026 jylǵy 5 maýsymda is sot óndirisine qabyldanǵan kezde bultartpaý sharasy ózgerissiz qaldyrylǵan.
Alaıda Ámir Qasenov 2026 jylǵy 2 maýsymda qaralyp jatqan qylmystyq iske qatysty jeke beıneúndeý jarııalap, úıqamaq talaptaryn buzǵan. Sondaı-aq 15 maýsym kúni ınternet-resýrstarda is boıynsha medıasııa máselesine baılanysty taǵy bir vıdeoúndeý taratqan.
Budan bólek, ol 11 maýsymda ótetin basty sot talqylaýy týraly tıisti túrde habarlanǵanyna qaramastan, sot otyrysyna kelmegen. Taraptardyń ýájderin tyńdap, usynylǵan materıaldardy zerttegen sot memlekettik aıyptaýshynyń ótinishin qanaǵattandyrý týraly sheshim qabyldady.
Sot qaýlysymen Ámir Qasenovke qatysty bultartpaý sharasy úıqamaqtan kúzetpen ustaýǵa ózgertildi.
«Frıdom Fınans» advokaty «QazTAG»-pen aradaǵy daýdyń nege qylmystyq sotqa deıin jetkenin túsindirdi
Kelesi sot otyrysy 22 maýsym kúni saǵat 10:00-ge belgilendi.
Eske salaıyq, buǵan deıin QazTAG agenttiginiń bas dırektory Áset Mataev pen bas redaktory Ámir Qasenovqa qatysty qylmystyq is qozǵalyp, olar kórineý jalǵan aqparat taratý baby boıynsha kúdikti dep tanylǵan bolatyn.
