Testileýdiń bes aptalyq qorytyndysy boıynsha talapkerlerdiń 67 paıyzy shekti ball jınady. Bes pán boıynsha ortasha nátıje – 64 baldy qurady. Eń joǵary kórsetkishke Pavlodar oblysynyń túlegi Áset Altaır qol jetkizip, 140 ball jınady.
Erekshe bilim berý qajettilikteri bar talapkerlerge de qajetti jaǵdaılar jasalǵan. Bıyl UBT-ǵa osyndaı sanattaǵy 668 talapker qatysty.
Talapkerler test aıaqtalǵannan keıin 30 mınýt ishinde tapsyrmalardyń mazmunyna qatysty apellıasııa bere alady. Al tehnıkalyq máseleler boıynsha ótinishter testileý barysynda qabyldanady. Sertıfıkattar apellıasııa rásimi aıaqtalǵan soń jeke kabınetterde jarııalanady.
Bes apta ishinde UBT ótkizý barysynda 474 ereje buzýshylyq tirkeldi. Onyń ishinde 298 talapker smartfon, smart-kózildirik, mıkroqulaqqap, shpargalka jáne basqa da tyıym salynǵan zattardy alyp kirmek bolǵany úshin testileýge jiberilmedi.
Sondaı-aq 176 adam test tapsyrý kezinde erejelerdi buzǵany úshin aýdıtorııadan shyǵarylyp, olardyń nátıjeleri jaramsyz dep tanyldy. Basqa adamnyń ornyna kirý faktileri anyqtalmaǵan.
Ulttyq testileý ortalyǵynyń habarlaýynsha, UBT aıaqtalǵannan keıin 31 qazanǵa deıin beınejazbalarǵa qosymsha taldaý júrgiziledi. Eger tyıym salynǵan zattardy paıdalaný nemese basqa da zańbuzýshylyqtar anyqtalsa, talapkerlerdiń nátıjeleri kúshin joıady.
UBT kezinde jaryq óship qalsa, túlekterdiń nátıjesi qalaı baǵalanady? Mınıstr jaýap berdi
Aıta keteıik, bıyl testileýge qatysý úshin 240 myńǵa jýyq talapker eki múmkindikti esepke alǵanda 446 myńnan astam ótinish bergen.
