Jańa talaptarǵa sáıkes, kólikti arnaıy belgilenbegen oryndarǵa qoıýǵa tikeleı tyıym salynady, al erejeni buzǵandarǵa 1,2 mln teńgege deıin aıyppul salynýy múmkin.
Kólikti qaı jerlerge qoıýǵa bolmaıdy?
Jańa qaǵıda boıynsha turǵyn úı aýlalarynda kólik turaǵyna tyıym salynǵan oryndar naqty kórsetilgen:
- trotýarlar
- balalar jáne sport alańdary
- jasyl jelek egilgen aýmaqtar men kógaldar
- qoqys konteınerleri ornalasqan alańdar jáne olardyń mańy
- kólik qoıýǵa arnalmaǵan kez kelgen basqa jerler
Qujat aýla men ortaq paıdalanylatyn aýmaqtardy josparlaý kezinde kólikterdiń kógaldarǵa kirip ketýine jol bermeıtin fızıkalyq bógetterdi qarastyrýdy mindetteıdi. Alaıda aýlaishilik jáne kvartalishilik joldarǵa beton bloktar, baǵanalar, qorshaýlar sııaqty kedergilerdi óz betinshe ornatýǵa tyıym salynady. Mundaı sheshim tek jergilikti atqarýshy organdardyń aýmaqty jobalaý kezinde quzyretine kiredi.
Oljas Quspekov: Shlagbaýmdar men retsiz avtoturaq adam ólimine sebep bolyp jatyr
Aıyppul kólemi qansha?
Elimizde abattandyrý erejelerin buzǵany úshin QR ÁQBtK-niń 505-baby boıynsha jaýapkershilik qarastyrylǵan:
Jeke tulǵalarǵa:
- birinshi ret – eskertý nemese 20 AEK (86 500 teńge)
- qaıtalaǵan jaǵdaıda – 30 AEK (129 750 teńge)
ÚEU jáne shaǵyn bıznes ókilderine:
- birinshi ret – 30 AEK (129 750 teńge)
- qaıtalaǵan jaǵdaıda – 40 AEK (173 000 teńge)
Orta bızneske:
- birinshi ret – 40 AEK (173 000 teńge)
- qaıtalaǵan jaǵdaıda – 50 AEK (216 250 teńge)
Iri bızneske:
- birinshi ret – 100 AEK (432 500 teńge)
- qaıtalaǵan jaǵdaıda – 300 AEK (1 297 500 teńge)
Eske salaıyq, bıyl naýryzdan bastap hattama toltyrý quqyǵy tek polısııaǵa ǵana emes, ákimdik qyzmetkerlerine de beriledi.
