ARALDYŃ BOLAShAǴY ALDA

Juma kúni Almatyda BUU Bas hat­shy­synyń orynbasary, BUU-nyń Eýro­palyq ekonomıka­lyq komıssııasynyń atqarýshy hatshy­sy Iаn Kýbısh­tiń, son­daı-aq BUU-nyń Eýropalyq ekonomı­kalyq komıssııasynyń Qorshaǵan orta jónindegi aýmaqtyq keńesshisi Bo Lı­bert­tiń Halyqaralyq Araldy qutqarý qory (HAQQ) atqarýshy komıtetiniń ókilderimen kezdesýi boldy. Osy bir sharanyń ótýiniń ózi­nen-aq biraz jaıdy ańǵarǵandaı bolasyń. Halyq­ara­lyq bas uıym Aral óńirindegi qalyptasqan kúr­­deli jaǵdaıǵa beıjaı qaramaıdy, ony saýyq­tyrýǵa belsendi aralas­paq. Al muny jer­gi­likti óńirdiń ókil­deri tıimdi paıdalanýy kerek-aq. Bul ıgi qarym-qatynas bıylǵy sáýir aıynda BUU Bas hatshysy Pan Gı Mýnnyń Orta Azııa elde­rin, onyń ishinde Aral teńizi óńirin aralaǵannan keıin aıtarlyqtaı belsendi de naqty sıpatqa ıe bol­ǵan. BUU basshysy HAQQ atqarý­shy komıteti tarapynan júr­gizilip jatqan jumystarǵa joǵary baǵa bere otyryp, aldaǵy ýaqytta BUU ta­­rapynan pármendi qoldaý kór­seti­letinin málimdegen. Almatyǵa BUU Bas hatshysynyń orynbasary Iаn Kýbısh myrzanyń kelip, HAQQ atqarýshy ko­mıtetine múshe elder ókilderimen kez­desip, bolashaq istiń baǵyt-baǵdaryn áńgime etýi halyq­aralyq bas uıym basshysynyń tilek-ýádeleriniń naqty júzege asýy dese bolar. Búgingi áńgimeniń negizinde ót­ken jylǵy sáýirde Almatyda ótken Aral óńirine qatysty elder bas­shy­larynyń sammıtinde qabyldanǵan Birikken málimdeme boıynsha ázir­lenip jatqan 2011-2015 jyldarǵa “Aral teńizi bas­seınindegi elderge kómek kórsetýge baı­lanysty atqa­rylatyn Baǵdarla­ma­ny” ázirleýge qatysty máseleler jat­qa­ny bel­gili. BUU basshylyǵymen HAQQ at­qarý komıteti músheleri pikir­leri­niń bir arnada tabysqanyn sol kez­de­sýden keıin HAQQ atqarýshy komı­te­tiniń tóraǵasy Saǵıt Iba­týl­lınniń, son­daı-aq Iаn Kýbıshtiń egjeı-teg­jeı­li sózderinen ańǵar­ǵandaı bolasyń. Osynyń bárinen shyǵarylatyn qorytyndy – búkil álem alańdap otyr­ǵan Aral óńirindegi jaǵdaıdy saýyq­tyrýǵa baılanysty qyrýar sharýa tyndyrylyp jatyr, aldaǵy ýaqytta bul jumys óristeı túspek. Aıtar­lyq­taı qarjy bólip otyrǵan demeýshiler de bar eken, aýqymdy jumysty úıles­tirýshiler de istiń kózin taýyp jatqan kórinedi. Eń bastysy – bul másele halyq­ara­lyq uıymdardyń nazarynda, qamqorynda. Halyqaralyq uıymdar basshy­lary­nyń kezdesýinen keıingi áńgi­mede qatysqan jýrnalıster kóńildi ósirer sózder estidi. Onyń basty maz­muny – Araldyń bolashaǵy bar eken, óıtkeni oǵan arashashylar tabylyp otyr. Mamadııar JAQYP.