Polısııa Akınfeevti jaraqattaǵan jankúıerdi qamady (vıdeo)

ASTANA. 29 naýryz. Burnaǵy kúni Eýropa chempıonatynyń irikteý týrnıri aıasynda ótip jatqan Chernogorııa – Reseı matchynyń 1-mınýtynda trıbýnadan petarda laqtyryp, qonaqtardyń qaqpashysy Igor Akınfeevti jaraqattaǵan chernogorlyq jankúıerdi polısııa qamaýǵa aldy. Bul týraly «R-Sport» habarlady. «Chernogorııanyń quqyq qorǵaý organdary Reseı quramasynyń qaqpashysy Igor Akınfeevke faıer laqtyrdy degen kúdik tańylǵan Chernogorııa quramasynyń jankúıeri Lýka Lazarevıchke qarsy qylmystyq is qozǵady», dep habarlady cdm.me. 2016 jylǵy Eýropa chempıonatynyń irikteý týrnıriniń Chernogorııa – Reseı arasyndaǵy kezdesýi juma kúni túnde ótkizildi. Oıyn birinshi ret 1-mınýtta qaqpashy Akınfeevtiń basyna trıbýnadan ushqan faıer kelip tıgen kezde toqtatyldy. Qaqpashy zembilmen áketilip, jergilikti aýrýhanaǵa jatqyzyldy. Uzaq ýaqytqa sozylǵan úzilisten keıin oıyn qaıta jalǵasty. Al qaqpaǵa Iýrıı Lodygın turdy. Ekinshi taımda kezdesý birjola toqtatyldy. Endi Dmıtrıı Kombarovqa trıbýnadan pyshaq laqtyryldy. Budan keıin arbıtr oıyndy sozyp qajeti joq dep sheshti. Dáliregi, ÝEFA-nyń prezıdenti Mıshel Platını osyndaı nusqaýdy ózi berdi. Budan buryn Lazarevıchtiń qaraý kamerasy anyqtalǵany aıtyldy. Bul jankúıer ózin óte elirip ustaǵanymen de kózge tústi. Taǵy eki adam qoǵamdyq tártipti buzǵany úshin qamaýǵa alyndy. Sol kúni túnde Reseı quramasy Máskeýge oraldy. Jaraqat alǵan Akınfeev te komandamen birge eline keldi. Murat Aıtqoja. https://youtu.be/fJ4_kLybBug