О́zbekstanda búgin tańerteń prezıdent saılaýy bastaldy

ASTANA. 29 naýryz. Búgin tańerteń jergilikti ýaqyt boıynsha 06:00 saǵatta О́zbekstanda prezıdent saılaýyna arnalǵan barlyq 14 saılaý okrýgi boıynsha saılaý ýchaskeleri ashylyp, óz jumysyn bastap ketti. Bul týraly UZ24 habarlady. Barlyq ýchaskelerde aldymen О́zbekstan Respýblıkasynyń memlekettik gımni oınaldy. «Saılaý ýchaskelerine bizdiń elimizdiń 20 mıllıon 798 myń 52 azamaty tirkelgen», - delingen habarlamada. Ortalyq saılaý komıssııasy habarlaǵandaı, О́zbekstan Respýblıkasynyń prezıdenttigine saılaý jańa qoǵamdyq-saıası jáne áleýmettik-ekonomıkalyq jaǵdaıda ótip otyr. О́zbekstan Respýblıkasy Ortalyq saılaý komıssııasynyń mártebesi kóterildi. Zańnamany abyroımen saqtaý, Ortalyq saılaý komıssııasynyń sheshimderin buljytpaı oryndaý jónindegi jaýapkershilik kúsheıtildi. Saılaý naýqany barysynda baqylaýshylar ınstıtýty men buqaralyq aqparat quraldaryn qatystyra otyryp, jarııalylyq pen ashyqtyqty qamtasyz etýge aıryqsha zor kóńil bólinýde. Ortalyq saılaý komıssııasynda álemniń 43 eli men 5 halyqaralyq uıymnan 300-gk jýyq baqylaýshy tirkelgen. Saılaýdyń monıtorıngi udaıy júrgizilip turady. Saılaý úderisin kórsetip turýǵa otandyq jáne shet eldik BAQ-tardyń myńǵa tarta ókilderi qatysyp jatyr. Saılaýǵa kelýshi azamattar tómendegi tórt kandıdattyń ózderi qalaǵan tulǵalaryna daýys bere alady: - Islam Abdýganıevıch Karımov, О́zbekstan Lıberaldy-demokratııalyq partııasy; - Hatamjon Abdýrahmanovıch Ketmonov, О́zbekstan Halyq-demokratııalyq partııasy; - Narımon Majıdovıch Ýmarov, О́zbekstan Sosıal-demokratııalyq partııasy; - Akmal Holmatovıch Saıdov,  «Mıllıı Tıklanısh» demokratııalyq partııasy. Murat Aıtqoja. Mánbe, sýret: UZ24