Onyń sózinshe, jubaıy Aqbaıandy jalǵyz qaldyrǵysy kelmegen, sondyqtan ony ózimen birge alyp ketken.
Aldymen erli-zaıyptylar Tashkent qalasyna barǵan. Alaıda onda turý tym qymbat bolǵan.
Keıin olar Túrkııa eline kóshýdi qarastyrǵan, biraq qarjylyq sebepterge baılanysty bul oıynan bas tartqan. Sońynda tańdaý Balı aralyna túsken. Sársemálıevtiń aıtýynsha, jol bıletterine shamamen 300 myń teńge jumsalǵan, qaltasynda taǵy 200 myń teńge bolǵan.
«Qudaıdan keshirim suraǵym keldi»: Sársemálıev sotta kútpegen málimdeme jasady
Shetelde júrgen kezde ol tergeý barysyna qatysty jańalyqtardy baqylap otyrǵanyn aıtty. Onyń sózinshe, áleýmettik jelilerde «atyraýlyq haker» degen atpen tanylǵan adamnyń jarııalanymdaryn kórgennen keıin qaza bolǵan týystarynyń SIM-kartalaryn joıyp jiberýge sheshim qabyldaǵan.
Sotta Sársemálıev jubaıynyń otbasymen aradaǵy janjaldyń yqtımal sebebi týraly da jańa málimdeme jasady. Onyń aıtýynsha, qaıtys bolǵan áıeliniń inisi Naýryzdyń telefonynda qaıyn atasy Maqsot Qarabalınmen áńgimesi saqtalǵan.
Aıyptalýshynyń sózinshe, jazbada oǵan kúsh qoldaný máselesi talqylanǵan.
«Olar meni uryp-soǵýdy oılaǵandaryn, biraq balalardyń kózinshe jasamaýǵa sheshim qabyldaǵandaryn aıtqan. «Aqbaıan emdelip shyqsyn, sodan keıin odan qutylamyz» degen sózder bolǵan», dedi Sársemálıev sotta.
«О́lim jazasyna daıynmyn»: Sultan Sársemálıev qaıyn jurtyn ne úshin óltirgenin aıtty
Sonymen qatar ol bul aýdıojazbany is materıaldaryna qospaǵanyn málimdedi. Onyń pikirinshe, sot barlyq mán-jaıdy tolyq qaraý barysynda oǵan óz baǵasyn bere alady.
«Atyraýlyq haker» kim?
Bul adam áleýmettik jelilerde Atyraý oblysynda bir otbasynyń joǵalyp ketýine baılanysty oqıǵadan keıin tanymal boldy. Ol óz betinshe tergeý júrgizgenin málimdegen.
Jarııalaǵan beınematerıaldary keń taralyp, myńdaǵan qaralym jınaǵan. Onda ol qaza bolǵandardyń qyzynyń kúıeýin yqtımal kúdikti retinde ataǵan. Sondaı-aq ákesiniń telefony qarasha aıynyń ortasynan bastap jelige turaqty shyqpaı qalǵanyn aıtqan.
«Polısııaǵa habar bergim keldi»: Sultan Sársemalıev baldyzyn qalaı óltirgenin aıtty
Onyń málimdeýinshe, budan bólek kúdikti qarasha aıynda Túrkııaǵa barǵan, sol jaqta otbasy músheleriniń biriniń bank kartasy paıdalanylǵan bolýy múmkin. Keıin onyń Qazaqstan aýmaǵynda júrgeni týraly boljamdar aıtylǵan.
«Hakerdiń» nusqasy boıynsha, 9 jeltoqsanda kúdikti men onyń jubaıynyń SIM-kartalarynyń belsendiligi Shymkent qalasynda tirkelgen. Osydan keıin olar О́zbekstan arqyly Ońtústik-Shyǵys Azııa elderiniń birine ketýi múmkin degen boljam jasalǵan. Onyń derekterine sáıkes, 2026 jyldyń qańtar aıynyń basynda olar Indonezııa aýmaǵynda bolǵan.
Keıin Atyraý oblysynyń polısııa departamenti «hakerdiń» nusqasy men qarjylyq operasııalar týraly málimetterdiń shyndyqqa sáıkes kelmeıtinin málimdedi.
Sotta Sultan Sársemalıevke qatysty jańa vıdeo dálel kórsetildi
2026 jyldyń maýsym aıynyń basynda prokýratýra men Ishki ister mınıstrligi «atyraýlyq hakerdiń» óz isine qatysty túsinikteme bergen. Qazirgi tańda oǵan birneshe ret jasalǵan alaıaqtyq faktileri boıynsha aıyp taǵylyp, halyqaralyq izdeý jarııalanǵan. Polısııa bul aıyptardyń otbasy ólimi isimen baılanysty emes ekenin atap ótti.
Sultan Sársemalıevtiń burynǵy jubaıyna qatysty saraptama nátıjesi belgili boldy
