Astananyń ortalyǵyndaǵy Trıatlon saıabaǵy aýmaǵynda órt shyqty

1 mın

oqý úshin

Elordanyń Almaty aýdanyndaǵy Trıatlon parki aýmaǵynda ornalasqan balalar alańynda órt shyqty. Áleýmettik jelilerdiń birinde órt bolyp jatqan mezet túsirilgen vıdeo jarııalandy, dep habarlaıdy Egemen.kz.

Shyńǵys MUQAEV

Astananyń ortalyǵyndaǵy Trıatlon saıabaǵy aýmaǵynda órt shyqty

Foto: Vıdeodan alynǵan kadr

Beınekadrlardan ottyń oıyn qurylǵysyn túgelge jýyq sharpyǵanyn kórýge bolady. Qala turǵyndarynyń basym bóligi oıyn alańynyń joıylǵanyna ókinish bildirdi.

Astanada avtobýs aıaldamasy órtenip ketti

Astananyń Tótenshe jaǵdaılar departamentiniń baspasóz qyzmetiniń órtti sóndirý barysy týraly málimeti basylymdarda jarııalandy.

«Búgin tańerteń 112 nómirine Astananyń Almaty aýdanyndaǵy Trıatlon parkiniń aýmaǵynda ornalasqan alańda órt shyqqany týraly habarlama tústi. Oqıǵa ornyna 6 mınýt ishinde jetken órt sóndirýshiler 25 sharshy metr aýmaqty sharpyǵan órtti jedel túrde tolyq sóndirdi», dep habarlady Astananyń Tótenshe jaǵdaılar departamenti.

Oqıǵadan eshkim zardap shekpegen. О́rttiń naqty shyǵý sebebi anyqtalyp jatyr.

Sondaı-aq, osydan birneshe kún buryn sondaı-aq Semeıde saıajaı órtendi. Qutqarýshylar janyp jatqan saıajaıdan eki gaz ballonyn alyp shyqty.