Foto: 1news.az
Vashıngton bul qujattyń AQSh úshin zańdyq mindettemesi joq ekenin jáne Iran sharttardy buzsa, áýe shabýyldary qaıta bastalatynyn eskertti. 60 kún ishinde taraptar túpkilikti beıbit kelisimdi ázirleýi tıis.
Tramp Iranmen jasalǵan kelisimniń negizgi sharttaryn jarııalady
BBC málimetinshe, Memorandýmnyń 6 negizgi tarmaǵy:
– Áskerı is-qımyldardy toqtatý: Lıvandy qosa alǵanda, búkil óńirdegi barlyq áskerı operasııalar dereý toqtatylady.
– Teńiz qorshaýyn alý: AQSh 30 kún ishinde Iran porttarynyń qorshaýyn alyp tastaıdy, al túpkilikti kelisimnen keıin áskerin shekaradan áketedi.
– Ormuz buǵazyn ashý: Buǵaz 60 kúnge erkin ótý úshin ashylady. Keıin aımaq elderimen birlesken uzaq merzimdi kelisim jasalady.
– Qalpyna keltirý qory: Iran ekonomıkasyn damytý úshin keminde 300 mlrd dollar kóleminde qor qurý josparlanyp otyr (AQSh buǵan tikeleı qarjy quıýǵa mindettelmegen, tek baǵdarlama ázirleýge nıetti).
– Sanksııalardy joıý: AQSh Iranǵa qarsy barlyq sanksııalardy alyp tastaýǵa ýáde beredi (kestesi keıinirek naqtylanady).
– Iаdrolyq qarýdan bas tartý: Iran ıadrolyq qarý jasamaıdy jáne ózindegi baıytylǵan ýran qorlaryn joıýǵa kelisedi.
Eske sala keteıik, Pákistan bıligi AQSh pen Iran arasynda beıbit kelisim jasalǵanyn habarlady. Sonymen qatar Lıvanda atysty toqtatý jóninde de kelisimge qol jetkizilgeni aıtyldy.
