«Eń aldymen barshańyzǵa medısına qyzmetkeri kúni qutty bolsyn deımin. О́tken jyly biz ardaqty kásip ıeleri – medısına mamandaryn alǵash ret Aqordaǵa shaqyryp, qurmet kórsettik. Bıyl da ıgi dástúrge saı ózderińizdi osy jerde kórgenime óte rızamyn.
Halqymyz «Birinshi baılyq – densaýlyq» degen taǵylymdy sózge erekshe mán bergen. Ult saýlyǵy – elimiz úshin bárinen qymbat qundylyq. Sondyqtan medısına salasyn damytý memlekettiń strategııalyq mindeti sanalady. Osy oraıda, dárigerdiń el ómirindegi orny aıryqsha ekeni sózsiz», dedi Memleket basshysy.
Prezıdent shyn máninde, densaýlyq saqtaý salasynda qoǵam ıgiligi úshin adal qyzmet etip júrgen ár qyzmetkerdiń eńbegi eren ekenin atap ótti.
«Halqymyz sizderdi eń qadirli mamandyq ıesi retinde syılaıdy jáne qurmetteıdi. Túptep kelgende, medısına mamandary elimizdiń basty baılyǵy – azamattarymyzdyń densaýlyǵyn nyǵaıtýǵa ólsheýsiz úles qosyp keledi.
Men Memleket basshysy retinde osy salada tabandy eńbek etip júrgen barsha qyzmetkerge shynaıy rızashylyǵymdy bildiremin», dedi Prezıdent.
