Jalpy 2025-2026 oqý jylynyń qorytyndysy boıynsha elorda mektepterinde jalpy sany 314 964 oqýshy bilim aldy. Onyń ishinde memlekettik mektepterde – 260 418 oqýshy, jekemenshik mektepterde – 47 760 oqýshy jáne respýblıkalyq mektepterde – 6 786 oqýshy.
Bıyl elorda mektepterin 16 myńnan astam túlek támamdap, qoldaryna attestat aldy. Olardyń ishinde 1 202 oqýshy úzdik attestat ıegeri atansa, 650 túlekke bilimdegi joǵary jetistikteri úshin «Altyn belgi» ıegerleri atandy.
Mektep bitirý keshterin uıymdastyrý barysynda da jaýapkershilik pen únemshildikke erekshe nazar aýdaryldy. Qala mektepterinde 70% paıyzdan astam ata-analar men túlekter qaýymy meıramhanalarda saltanatty kesh ótkizýden bas tartyp, qarajatty tıimdi paıdalanýdy jón kórdi.
Aıta keteıik, attestat tabystaý rásimderi barlyq mektepte merekelik ári saltanatty jaǵdaıda ótti. Ustazdar men ata-analar túlekterge aq jol tilep, olardyń bolashaqta el damýyna úles qosatyn bilikti maman bolyp qalyptasatynyna senim bildirdi.
