Ahmetjan bul kásipti 2021 jyly bastapty. Maýsymdyq jylyjaı kesheninde ósirilgen qııar men qyzanaq az ýaqyttyń ishinde suranysqa ıe boldy. Bıyl ol kenttegi Qumsaı bógetiniń mańynan 6 gektar jerge qarbyz, 4 gektar jerge qaýyn egip, 150 túp jemis aǵashyn otyrǵyzdy. Aldaǵy ýaqytta baý kólemin ulǵaıtyp, ónim túrin kóbeıtýdi de jos-parlap otyr. Sharýashylyqta óndirilgen ónimder kent pen aýdan ortalyǵyndaǵy saýda oryndaryna jetkizilip, naryq baǵasynan arzanǵa satylyp jatyr. Osylaısha buryn «bizde kókónis ósirý qıyn» degen túsinik jeteginde júrgen jurt jergilikti ónimniń dámin tatty.
«Memlekettik qoldaý tetikteri, sonyń ishinde «Aýyl amanaty» jobasy aýyldaǵy eńbek adamdarynyń óz isin keńeıtip, tabysyn turaqtandyrýǵa sep boldy. Osyndaı qoldaý nátıjesinde isin ilgeriletip, óndiris kólemin arttyryp jatqan kásip ıeleri kóp», deıdi Ahmetjan Bohanov.
Qyzylorda oblysy,
Aral aýdany
