Orta bilikti mamanǵa suranys kóp

Mamyrda jumys be­rý­shi­ler uzyn-sany 104,7 myń bos jumys ornyn jarııalasa, jumys iz­deý­­shilerden 123,3 myń tú­ıindeme túsken. Al­dyń­ǵy aıdaǵy kór­set­kish­pen sa­lystyr­ǵan­da bos jumys oryndarynyń sany 2,1%-ǵa ósip, túıindeme birden 15,1%-ǵa artqan. Salalyq qurylymda kadr­larǵa eń kóp suranys bilim salasynda tirkelgen. Naqty sanmen aıtsaq, 20,2 myń bos jumys orny. Sol sekildi ózge de qyzmet túr­lerin kórsetý salasynda – 15,5 myń, aýyl, orman jáne balyq sharýa­shylyǵynda – 10,7 myń, óńdeý ónerkásibinde – 9,5 myń, densaýlyq saqtaý, halyqqa áleýmettik qyz­met kórsetý salasynda 9,4 myń bos jumys orny jarııalanǵan. О́ńirler boıynsha, eń kóp bos ju­mys oryndary Astana qalasy (8,5 myń), Pavlodar oblysy (7,2 myń), Almaty qalasy (6,7 myń), Aqmola (6,6 myń), Qaraǵandy oblysynda (6,4 myń) tirkelgen.

Jumys izdeýshiler ara­synda ádettegideı 35 jasqa deıingi úmitkerler basym. Olardyń úlesi barlyq túıindemeniń ­39%-yn quraıdy. 35-44 jas aralyǵyndaǵy úmitker­lerdiń úlesi – 28%, 45-54 jas aralyǵyndaǵylar – 20%, 55 jastan asqandar – 13% shamasynda ǵana. Tú­ıindeme jarııalaǵan áıel­derdiń úlesi – 53%, erler – 47%. Salystyrmaly túrde alyp qarasaq, bilik­tilik deńgeıinde usynys pen suranys qurylymy birimen-biri sáıkes keledi. Mysaly, túıindemelerdiń 42%-y orta bilikti maman­darǵa tıesili bolsa, 31%-y – joǵary bilikti, 27%-y – biliktiligi tómen jumys izdeýshiler.

Mamyr aıynda ush­qysh mamandyǵyna jumys berýshiler táýir jalaqy usynsa, jumys izdeýshiler de qarap qalmaı, jo­ǵa­ry jalaqy talap etken. Máselen, jumys berý­shi­ler shamamen 1,9 mln teńge kóleminde eńbek­aqy usynsa, jumys izdeý­shilerdiń kútken jala­qysy 3,9 mln teńgeni qu­raǵan. Joǵary eńbek­aqy usynǵan basqa bos jumys oryndarynyń ishinde baǵ­darlamalyq qam­ta­ma­syz etý sáýlet­shisi (1,7 mln teń­ge), jabdyqtardy synaý jónindegi basshy (1,6 mln teńge) bar. Al jo­ǵa­ry jalaqy kútetin úmit­kerler arasynda bort­serikter (2,1 mln teńge) men jaq-bet hırýrgi maman­dary (2 mln teńge) boldy.