«Saryarqa» «Torostan» taǵy jeńildi

ASTANA. 29 naýryz. Joǵary hokkeı lıgasynyń jartylaı fınalynda ekinshi oıynyn ótkizgen «Saryarqa» taǵy da jeńilýge májbúr boldy. Neftekamskiniń «Torosymen» kúsh synasqan bizdiń komanda búgin 1:2 esebimen ese jiberdi. Bul týraly egemen.kz habarlady. Alǵashqy kezeńde aıdyn ıeleri basym boldy. Birneshe ótkir shabýyl uıymdastyryp, júıeli oıyn órnegin kórsetken «Saryarqa» 12-mınýtta esep ashty. Nátıjeli soqqynyń avtory Aleksandr Zýbrıskıı. Esesine, qalǵan eki kezeńde qonaqtar oıyn tizginin ýystarynan shyǵarǵan joq. Kezdesýdiń 24-mınýtynda Vasılıı Mordvınov tarazy basyn teńestirse, 44-mınýtta Kırıll Polozov komandasynyń jeńis shaıbasyn soqty. Osylaısha, Rýslan Súleımenovten tálim alatyn «Toros» hokkeıshileri ekinshi jeńisterine qol jetkizdi. Keshegi oıynda da «Saryarqa» jeńip turyp jeńilgen edi. Qazir qos komanda arasyndaǵy jalpy esep «Torostyń» paıdasyna 2:0. Endi qarsylastar 1-2 sáýir kúnderi Neftekamskide kúsh synasady. Elaman Qońyr. Derek: egemen.kz. Sýret: hc-saryarka.com.