Mańǵystaýda 24 adam mingen avtobýs aýdarylyp qaldy

AQTAÝ. 29 naýryz. Mańǵystaýda ekpini sekýndyna 25 metrlik jyldamdyqpen uıytqı soqqan shańdy daýyldyń saldarynan munaıshylar mingen avtobýs apatqa ushyrady. Bul týraly egemen.kz tilshisi habarlady. Oqıǵa búgin tańerteńgi saǵat 7 shamasynda Aqtaý-Jetibaı-Jańaózen tasjolynda boldy. Shańdy daýyldan jol durys kórinbegen. Quzyrly oryndardyń habarlaýynsha,  jumysshylar mingen Daewoo-BH 117 avtobýsy aýa raıynyń qolaısyzdyǵyna baılanysty joldyń oń jaq betine qaraı aýdarylǵan. Avtobýstaǵy 24 adamnyń barlyǵy da Jetibaı aýylyndaǵy vahtalyq jumystaryna bara jatqan «Tehno-Treıdıng LTD» JShS-niń jumysshylary bolyp shyqty. Jol apaty saldarynan bir jolaýshy túrli dene jaraqattaryn alyp, oblystyq aýrýhanaǵa, taǵy úsh jolaýshy Jetibaı aýylynyń aýrýhanasyna jiberilgen. Oqıǵadan soń jol-patrýldik polısııasy qyzmetkerleri atalǵan tasjolda tek ózderiniń bastaýymen, top bolyp júrýge ǵana ruqsat etip jatyr. Gúlaıym Shyntemirqyzy. Derek, sýret: egemen.kz.