Elimiz táýelsizdik alǵan alǵashqy jyldary iri sharýashylyqtar tarap, jer bóliske túsip, usaq agroqurylymdar quryldy. Osy kezde otbasymmen keńesip, biz de áreket jasaýdy uıǵardyq. Sharýa qojalyǵyn quryp, onyń atyn «Qosaǵash» dep qoıdyq. «Qosaǵash» – mal ósirýmen shuǵyldandy. Alǵashqy kezde mal basy az bolsa, qazir iri qara – 30, qoı – 700 jáne jylqy 130 basqa jetti. Olardy birneshe otbasy kútip-baǵady. Jalaqylaryn ýaqtyly tóleımiz. Basqa da materıaldyq kómek kórsetemiz. Mal ósirý ońaı emes. Keıde onyń ónimderin óndirýge jumsalǵan shyǵyn men eńbek ótelmeı jatady. Sondyqtan da shıkizat óńdeıtin shaǵyn kásiporyn ashýdy uzaq ýaqyttan beri oılastyryp júrgen bolatynbyz.
Sonyń sáti 2011 jyly tústi. Baýyrjan Momyshuly aýylynda sút óńdeıtin shaǵyn seh ashtyq. Qazir onda 14 sharýa qojalyǵynan jazda – 5, qysta 3 tonna sút qabyldap, odan sary maı, qaımaq jáne basqa da sút ónimderin óndirýdemiz. О́nimniń 80 paıyzy Almaty qalasyna, qalǵany Taraz, Shymkent jáne Qyzylorda qalalaryna ótkizilýde. Taýarlarymyz qoımada jatyp qalǵan kezi bolǵan emes. Naryqta turaqty tutynýshylarymyz bar. Qazir munda 9 adam jumys isteıdi. Qabyldap alǵan súttiń ár lıtrine 70 teńgeden tóleımiz. Sapasy joǵary shıkizat ótkizgender qosymsha qarjylaı yntalandyrylyp otyrady. Bizdiń jumysymyzdy otbasylyq bıznes deýge bolady. Osynda kelinderim – Jańylsyn Nurbaeva tehnolog, Elvıra Meshelova menedjer bolyp isteıdi.
Keıingi kezde aýdan jáne oblysymyzda iri qara, onyń ishinde saýyn sıyr ósirýshiler qatary kóbeıip keledi. Sondyqtan da otbasymmen aqyldasyp, iri sút óńdeıtin kásiporyn ashýǵa bel baıladyq. Aýdandyq ákimdiktiń qoldaýymen bizge 2,5 gektar jer berildi. Táýligine 25 tonna sút óńdeıtin zaýyt jobasynyń quny 102 mıllıon teńge. Onyń 55 mıllıon teńgesi qural-jabdyqtar alýǵa jumsaldy. Sondaı-aq, 42 mıllıon teńge qurylys júrgizýge bólindi. Qalǵan qarjyǵa qujattar jasaldy. Biz «Halyq bankimen» uzaq ýaqyttan beri tyǵyz áriptestik qatynasta jumys istep kelemiz. Memlekettiń úlken qoldaýy men qamqorlyǵyn sezinýdemiz. «Damý» kásipkerlikti damytý qory» AQ oblystyq fılıaly arqyly jeńildikpen nesıe aldyq. Bankterden alǵan qaryzdarymyzdyń ósim paıyzynyń jartysy «Bıznestiń jol kartasy-2020» baǵdarlamasy aıasynda jabyldy.
Jabdyqtardyń deni Reseı jáne Bolgarııadan ákelindi. Qazir ony ornatý jumysy aıaqtalyp keledi. Seh iske qosylǵan kezde «Agrobıznes-2020» baǵdarlamasy aıasynda jabdyqtardy satyp alýǵa ketken qarjynyń 30 paıyzy sýbsıdııa retinde ózimizge qaıtarylady. Bul – memlekettiń kásipkerlerge degen úlken ákelik qamqorlyǵy bolsa kerek. Kásiporyndy ústimizdegi jyldyń mamyr aıynda iske qosýdy kózdep otyrmyz. Ol tolyq qýatynda jumys istegende sút ónimderiniń 12 túri shyǵarylady. Jańadan 22 jumys orny qurylady. Qazir jylyna 63 mıllıon teńgeniń taýaryn óndirsek, jańa sehta ol 400 mıllıon teńgege jetkiziledi. Tek salyqtyń esebinen ǵana jergilikti bıýdjetke bizden 48 mıllıon teńge aýdarylady. Álbette, bul aýdan úshin úlken qarjylaı demeý.
Orynbasar MEShELOV,
«Kásipker Meshelov» jeke kásipornynyń quryltaıshysy.
Jambyl oblysy,
Jýaly aýdany.
Sýretterdi túsirgen
Aqádil RYSMAHAN.
