Islam Bozbaev – «Gran-prı» saıysynyń qola júldegeri!

ASTANA. 29 naýryz. Túrkııanyń Samsýn qalasynda dzıýdodan «Gran-prı» jarysy aıaqtaldy. Bul synda Qazaqstannan barǵan palýandar tek bir qola medaldi qanaǵat tutty. Qorjynǵa jalǵyz júldeni salǵan – Islam Bozbaev (90 kg.). Bul týraly egemen.kz habarlady. Islam alǵashqy beldesýin Iraktan kelgen Shıhab Alkýraıshıge qarsy ótkizdi. Ony jeńgennen keıin, Nıderlandy senim artqan Gılleım Elmondpen kúsh synasty. Bul joly da qazaq dzıýdoshysynyń mereıi ústem boldy. Al shırek fınaldyq beldesýde Serbııa palýany Aleksandr Kýkoldjge ese jiberdi. Serbııalyq jartylaı fınalda da jeńiske jetip, bizdiń palýan jubanysh beldesýine múmkindik aldy. Atalǵan synda Slovakııanyń Mılan Randl esimdi sportshysyn jeńdi. Al qola medalǵa talasta Izraılden kelgen Lı Koshmannan basym tústi. Islam Bozbaev 2010 jyly Qytaıdyń Gýanjoý qalasynda ótken jazǵy Azııa oıyndarynda kúmis júlde oljalaǵanyn aıta keteıik. Sondaı-aq, 2012 jylǵy London olımpıadasyna qatysqan tájirıbeli dzıýdoshy. Áıtse de, 2013 jyly alǵan aýyr jaraqatyna baılanysty biraz ýaqyt jarystarǵa qatysqan joq. Bul «Gran-prı» Islam úshin osy maýsymdaǵy alǵashqy saıys. Elaman Qońyr. Derek: egemen.kz. Sýret: judoinfo.kiev.ua.