Eýro-2016: irikteý kezeńiniń 5-týry aıaqtaldy

ASTANA. 30 naýryz. Keshe túnde fýtboldan 2016 jylǵy Eýropa chempıonatyna irikteý týrnıri aıasynda 5-týrdyń sońǵy segiz oıyny ótti. Alty matchta jeńimpaz anyqtalsa, eki kezdesý teń aıaqtaldy. Sondaı-aq, barlyq oıynda aldyn ala kútilgen nátıjeler tirkelip, aıtarlyqtaı sensasııa bolǵan joq. Bul týraly egemen.kz habarlady. Segiz matchtyń ishinen Tbılısıde ótken Grýzııa men Germanııa arasyndaǵy oıyndy erekshe aıtyp ótken jón. Grýzınder álem chempıondaryna laıyqty qarsylyq kórsetti. Tipti Ioahım Lev jattyqtyratyn «nemis mashınasy» ekinshi kezeńde qarsylastarynyń qaqpasyna gol soǵa almady. Sondaı-aq, Dýblındegi oıyn da asa tartysty ótti. О́z alańynda Polshany qabyldaǵan Irlandııa tek sońǵy mınýtta ǵana tarazy basyn teńestirip, jeńilisten aman qaldy. Rýmynııaǵa qarsy alańǵa shyqqan Farer araldarynyń da oıyn órnegine jankúıerler qol soqty. Endeshe keshe ótken oıyndardyń nátıjelerine nazar aýdaraıyq. Grýzııa – Germanııa 0:2 (0:2) Goldar: Marko Roıs 39, Tomas Mıýler 44. Shotlandııa – Gıbraltar 6:1 (4:1) Goldar: Shon Malonı 18, 34 (ekeýi de penaltı), Stıven Fletcher 29, 39, 77, 90 – Lı Kasharo 20. Soltústik Irlandııa – Fınlıandııa 2:1 (2:0) Goldar: Kaıl Laffertı 33, 38 – Berat Sadık 90+1. Rýmynııa – Farer araldary 1:0 (1:0) Gol: Klaýdıo Keserý 21. Albanııa – Armenııa 2:1 (0:1) Goldar: Mergım Mavraı 77, Shkelzen Gashı 81 – Iýra Movsısıan 4. Portýgalııa – Serbııa 2:1 (1:0) Goldar: Rıkardý Karvalıý 10, Fabıý Koentraý 63 – Nemanıa Matıch 61. Irlandııa – Polsha 1:1 (0:1) Goldar: Sheın Long 90+1 – Slavomır Peshko 26. Vengrııa – Grekııa 0:0 Elaman Qońyr. Derek: egemen.kz. Sýret: eurosport.ru.