Reseıde qaraýsyz qalǵan molalar qaıta qazylýy múmkin

ASTANA. 30 naýryz. Reseıdiń Qurylys jáne turǵyn úı kommýnaldyq sharýashylyǵy mınıstrligi qaraýsyz qalǵan molalardy qaıta paıdalaný týraly zań jobasyn daıyndady. Bul týraly gazeta.ru habarlady. Jańa zań jobasyna sáıkes Reseıdiń ár óńirinde arnaıy komıssııa qurylyp, qaraýsyz qalǵan molalardy anyqtaıdy. Keıin olardy qaıta qazyp, súıekterdi krematorııde órtemek. Zań jobasyn daıyndaǵandar qaldyqtardy eshkimge qajetsiz adam súıeginiń kúlderi saqtalatyn orynǵa qoıýdy uıǵarypty. Al bosaǵan jerdi qaıtadan adam jerleý úshin paıdalanbaq. Qazirgi tańda Reseı aýmaǵynda qaraýsyz qalǵan molalar 18-25 myń ga. jerdi alyp jatyr eken. Mınıstrlik qaraýsyz qalǵandar sanatyna jerlengen marqum týraly jáne sol zıratqa jaýapty adam jaıynda eshqandaı málimet joq molalardy jatqyzyp otyr. Elaman Qońyr. Derek: gazeta.ru. Sýret: news.ngs.ru.