ASTANA. 30 naýryz. Qytaıdyń Shanhaı qalasynda 60 jastaǵy zeınetker Sıýı Chjııýn shaǵyn avtomobıl jasap shyqty. Jańa kóliktiń uzyndyǵy 60 sm, bıiktigi 40 sm, al eni 35 sm-di quraıdy. Bul týraly news-asia.ru habarlady.
Jańa týyndy kólikten góri dóńgelegi, rýli jáne eki tepkishi bar qol arbaǵa uqsaıdy. Soǵan qaramastan, ónertapqysh ózi jasaǵan dúnıeni kádimgi avtomobılden esh kem emes dep otyr.
«Kólikte burylǵan kezde belgi beretin jáne qarańǵyda jaǵatyn shamdar bar. Burylys shamdary rýldi burǵan kezde avtomatty túrde qosylady. Basqarý tetigi arqyly kólikti ot aldyrýǵa jáne klaksondy qosýǵa bolady», – deıdi Sıýı Chjııýn.
Qytaı azamaty shaǵyn avtomobıldi jasap shyǵý úshin eki jyl ýaqytyn sarp etken. Al ketken shyǵyn bar bolǵany 250 AQSh dollary ǵana. Qajetti jabdyqtardy avtobólshekter dúkeninen satyp alǵan. Kólikpen kúni boıy júrý úshin tórt-aq lıtr janarmaı qajet. Alaıda, jyldamdyq jaǵynan bul kólik esh maqtana almaıdy. Sebebi, ol saǵatyna tek 20 km ǵana júrýge qaýqarly.
Áıtse de jańa avtomobılge qyzyǵýshylyq bildirýshiler óte kóp. «Kóshede ketip bara jatsam, bári toqtatyp, júrgizip kórýdi suraıdy. Tipti satýymdy suraǵandar da kezdesti», – deıdi ıdeıa avtory. Biraq Qytaıdyń zańy boıynsha qoldan qurastyrylǵan mundaı kóliktermen avtomobıl tasjoldarynda júrýge tyıym salynǵan.
Elaman Qońyr.
Derek: news-asia.ru.
Sýret: novosti-n.org.
