JAS SÝRETShILER ODAǴY QURYLDY

Astana qalasynyń Sýretshiler odaǵy Esil aýdany ákimdiginiń qoldaýymen  Saýran kóshesinde ornalasqan eks­pozısııa zalynda kórme ótkizdi. Kórmege elordamyzdyń belsendi óner qaı­rat­kerleri atsalysyp, úzdik týyn­dy­la­ryn kórermender nazaryna usyndy. Mysaly, K. Mýllashev, E.Aıtýarov, A. Dı­nıkeev, Q. Ahmetjan jáne t.b. sýretshilerdiń shyǵarmalary qoıyldy. K.Mýllashevtiń “Bıshi Elmıra”, “Aqyn Sara”, “Qypshaq qyzy”, “Mahabbat aýrasy” atty týyndylarynda qazaqtyń has sulýlary kórkemdigimen tańqaldyrdy. Kom­pozısııalyq qurylymy kásibı deńgeıde oryndalǵan jáne tústeri bir-birimen jaqsy úılesimdilik tapqan sýretshi A. Dınıkeevtiń “Dala ańshysy”, “Ańshy”, “Qyz alyp qashý” sııaqty týyn­dylarynan usaq oıý-órnekter izin anyq baıqaýǵa bolady. Shyǵarmalarynda keńistik kókjıegi belgilenbegen,  kilem tárizdes, óte dekoratıvti keskindeme bolyp keletini súısintedi. Q. Ahmetjan áli de shyǵarmashylyq izdeniste, onyń “Orman áýenderi” týyndysynyń oryndalýy HH ǵasyrdaǵy ataqty fransýz sýretshisi Seranyń pýantılızm tásiline uqsaıdy. Degenmen, ózgesheligin ańǵarýǵa bolady. Mysaly Serada árbir kenepke salynǵan tústiń núkteleri bir-birimen kelisip, birtutas bolyp kórinse, Q.Ahmetjannyń týyndysynda tústik jaǵymdary irirek jáne olardyń qoıý qońyr tústi jan-jaǵynda kontýrlary bar. Keskindemeshi K.Haıbýllın “Samal jel” shyǵar­masynda qalanyń syrtynda jasyl shalǵynda Prezıdentimiz N.Á. Nazarbaevtyń demalyp otyrǵan shaǵyn beınelegen. Qazaqtyń keń dalasynda Elbasy týǵan jeri úshin maqtanysh seziminde otyrǵany jaıdary júzinen kóriner edi. Sýretshi munda tulǵa beınesin samal jeldiń áýenimen úılestire jetkizýge tyrysqan. Taǵy bir aıta ketetin úlken jańalyq – Astana  qalasynyń Sýret­shiler odaǵy janynan “Jas sýretshiler odaǵy” quryldy. Ony sýretshi Gúlmıra Telǵazıeva basqarady. Qazaqstannyń túkpir-túkpirinen kelgen talantty jastar shyǵarmashylyq  jumystarymen jaqynda ózderiniń alǵashqy kórmesin ashty. Beıneleý óneriniń sheberleri K.Mýllashev, A. Nazarqulov, A. Aıtýarov, Q. Nurbatyrov pen Sýret­shiler odaǵynyń tóraǵasy Qońyr Abdýllauly irikteý konkýrsyn júrgizip, 19 sýretshiniń arasynan 17 talapkerdi múshelikke qabyldady. Qazirgi kezde daryndy jastar kóshedegi eski úılerdi monýmentaldy keskin­dememen bezen­dirýdi oılastyryp jatyr. Osy joba boıynsha qyzý jumys júrýde. Sonymen qatar, “Saryarqa” saýda ortalyǵynyń kórme zalynda jastardyń shyǵar­mashylyǵy árdaıym jurt­shylyqqa usynylyp otyratyn bolady. Jas sýretshilerdi odaqqa qabyldaý rásimi, olarǵa kýálik tapsyrý sharasy Ulttyq kitaphananyń kórme zalynda saltanatty túrde  ótpek. Aıgerim MÁJITHANQYZY, ónertanýshy.