Keleli mindetter júkteıdi

Oblystyq Qazaqstan halqy Assam­bleıa­synyń HH sessııasy jumysyna Qazaqstan halqy Assambleıasy Tóraǵasynyń orynbasary – Hatshylyq meńgerýshisi Eraly Toǵjanov qa­tysyp, el turaqtylyǵyn qamtamasyz etýdegi saıası qury­lym­nyń róline Elbasynyń joǵary baǵa bergenin atap ótti.

Barlyq deńgeıdegi etnomádenı birlestikter jetekshileri, dinı konfessııa ókilderi, memlekettik organ basshylary aldynda oblystyq Assambleıanyń tóraǵasy, aımaq basshysy Erik Sultanov baıandama jasap, Qazaqstan halqy Assambleıasynyń Tóraǵasy Nursultan Nazarbaevtyń «Máń­gilik El: bir el–bir taǵdyr» taqy­rybynda Qazaqstan halqy Assambleıasynyń 20 jyldyq mereıtoıyna arnalǵan HHII sessııasynda sóılegen sózinen týyndaıtyn mindetterge jan-jaqty toqtaldy. El egemendigin alǵan kúnnen bastap Prezıdent turaqtylyqtyń negizi etip halyqtyń tatýlyǵyn qoıdy. Osy jyldary qurylǵan Qazaqstan halqy Assambleıasy qoǵamdyq kelisim men birlik ınstıtýtyna aınaldy. Etnosaralyq tatýlyqtyń arqasynda elimizde ekonomıkalyq, áleýmettik-saıası baǵdarlamalar tabysty júzege asyrylyp keledi. Aldymyzda 5 halyqtyq reformany oryndaý sııaqty keleli mindetter tur, deı kelip, sheshen jergilikti jerlerde atqarylyp jatqan is-sharalarmen tanystyrdy.

Qazaqstan halqy Assambleıasy Tóraǵasynyń orynbasary – Hatshylyq meńgerýshisi E.Toǵ­janov Máńgilik El ıdeıasy ar­qaýyna negiz bolǵan qundy­lyq­tarymyzdy óskeleń urpaq boıyna darytý máselesine aıryqsha kóńil bóldi. Elbasynyń bastamalary men tapsyrmalary Qyzyljar óńirinde oıdaǵydaı oryndalatynyna senim bildirdi.

Budan keıin el birligin ny­ǵaı­týǵa, mádenıetaralyq únqa­ty­sýdy damytýǵa jáne qazaqstandyq pat­rıotızmdi qalyptastyrýǵa eleýli úles qosqan bir top soltústik­qazaqstandyqqa «Qazaqstan halqy As­sam­bleıasynyń qoǵamdyq «Bir­lik» altyn belgisi» men «Qazaqstan halqy Assambleıasyna – 20 jyl» mere­kelik medalin saltanatty jaǵ­daıda tabys etti.

Etnomádenı birlestikter oblys ákiminiń arnaıy granttaryna ıe boldy.

Oblystyq Assambleıa tóra­ǵasynyń orynbasary bolyp «Lad» slavıan qoǵamynyń jetekshisi Alek­sandr Kýrlenıa saılandy.

О́mir ESQALI,

«Egemen Qazaqstan».

Soltústik Qazaqstan oblysy.