Jumyspen qamtý salasyndaǵy jetistikter

«Jumyspen qamtý-2020 jol kartasy» baǵdarlamasyn iske asyrýǵa 2015 jyly 37,3 mlrd. teńge qarastyrylypty. Bul týra­ly Ortalyq kommýnıkasııalar qyzmetinde «Jumyspen qamtý-2020 jol kartasy» baǵdarlamasyn iske asyrý barysy týraly» taqyrybynda ótken brıfıngte Densaýlyq saqtaý jáne áleýmettik damý vıse-mınıstri Dáýlet Arǵyndyqov málimdedi. Vıse-mınıstr baıandamasynyń basynda halyqty jumyspen qamtý salasynda Qazaqstanda naqty jetistikter bar ekenin atap kórsetti. Jumyssyzdyq deńgeıi 2008 jyly 6,6 % bolsa, 2014 jyldyń qorytyndysynda 5%-ǵa tómendegen. Osy kezeń ishinde ekonomıkalyq belsendi turǵyndar sany 500 myń adamǵa artyp, 9 mln. adamǵa, jumyspen qamtylǵan turǵyndar sany 7,8 mln.-nan 8,5 mln. adamǵa jetipti. «Bizdiń ulttyq eńbek naryǵymyzda da belgili bir problemalar men qıyndyqtar bar. Oń kórsetkishterge qaramastan, tıimsiz jumystyń úles salmaǵy joǵary bolyp qalýda. Halyqaralyq eńbek uıymynyń usynystaryna negizdelgen eńbek naryǵyndaǵy kórsetkishterdi statıstıkalyq baǵalaý ádistemesine sáıkes, Qazaqstanda 2,4 mln. adam ózin-ózi jumyspen qamtyǵandar sanatyna jatady. Bul málimetter boıynsha, ózin-ózi jumyspen qamtyǵan turǵyndar arasynda memlekettik qoldaýǵa muqtaj 700 myńdaı adam bar», – dedi vıse-mınıstr. «Jumyspen qamtý-2020 jol kartasy» baǵdarlamasy aıasynda jumyspen qamtý: ınfra­qu­rylymdy jáne turǵyn úı-kom­mýnaldyq sharýashylyqty damytý arqyly jumyspen qamtý, kásipkerlik bastamashylyqty yntalandyrý, jumys berýshilerdiń naqty suranysyn eskere otyryp, oqytý jáne jumyspen qamtý men kóshýge kómektesý sııaqty úsh baǵyt boıynsha iske asyryla­dy. Birinshi baǵyt boıynsha baǵ­darlama iske asyryla bastaǵaly aýyldyq jerlerdegi 4 myńnan astam ınfraqurylymdyq jobalar­da 55 myń jumys orny ashyldy. Ekinshi baǵyt boıynsha azamattarǵa paıyzdyq mólsherlemesi 6%-dan aspaıtyn, mólsheri 3 mln. teńgelik nesıeler 5 jyl merzimge beriledi. 2011 jyldan beri 28 myń azamatqa nesıe berilip, olar óz kezeginde 26 myńǵa tarta qosymsha jumys oryndaryn ashty. Úshinshi baǵyt boıynsha baǵdarlama iske asyryla bastaǵaly 121 myń adam kásibı oqýmen, oqýyn aıaqtaǵan 105 myń adamnyń 87%-y jumyspen qamtyldy. Memle­ket sýbsıdııalaǵan jumys oryn­daryna 132,5 myń adam baǵyt­talyp, olardyń 67%-y tu­raq­ty jumyspen qamtamasyz etilipti. «Bıyl baǵdarlamany ári qaraı iske asyrýǵa 37,3 mlrd. teńge qarastyryldy. Onyń ishinde 13,8 mlrd. teńge baǵdarlamanyń birinshi baǵytyn qarjylandyrýǵa bólindi. Sonyń aıasynda 520 nysanǵa jóndeý jumystary júrgizilip, 30 nysannyń qurylysy jalǵasady. Jumyspen qamtý ortalyqtary arqyly olarǵa 4 myńdaı adam ornalastyryldy. 3,3 myń ózin-ózi jumyspen qamtyǵandar men jumyssyz azamatqa shaǵyn nesıe berýge 10 mlrd.-tan astam teńge qarastyrylǵan. Úshinshi baǵyt aıasynda, aǵymdaǵy jyly 1 myńnan astam adam kásibı oqýǵa jiberilip, jastar men turǵyndardyń maqsatty toptaryna jatatyn azamattar úshin 13 myńnan kem emes jumys orny quryldy», – dedi Dáýlet Arǵyndyqov. Sondaı-aq, «Jumyspen qam­tý-2020 jol kartasy» baǵdarla­ma­syna qatysý máseleleri boıynsha aqparattyq-túsindirý jumystaryn júrgizý úshin óńirlerde áleýmettik qorǵaý, jumyspen qamtý jáne óńirlik bólimsheleriniń qyzmetkerlerinen quralǵan 178 arnaıy mobıldik toptar jasaqtalǵanyn da aıtty. Brıfıng qorytyndysynda vıse-mınıstr Memleket basshysynyń tapsyrmasymen jumys oryndaryn saqtaý jáne bosaǵan jumys­kerlerdi jumys­pen qamtý máse­leleri boıynsha ákimdikter men kásiporyn jetek­shileri arasyndaǵy yntymaqtastyq jóninde memoran­dýmdarǵa qol qoıý jumysy júrgi­zil­genin má­limdedi. Búgingi tańda osyndaı 50 myńnan astam memorandýmǵa qol qoıylypty. Taraptar óz min­det­temelerin oryndaǵan jaǵdaıda atalǵan sharalar 1,9 mln. adamnyń jumys ornyn saqtaýǵa múmkindik beredi eken. Berik SADYR, «Egemen Qazaqstan».