ALAÝ ESTAFETASY О́ŃIRLER ARQYLY О́TEDI

VII Qysqy Azııa oıyndary­nyń Qazaqstanda ótýin qalyń jurt­shylyq taǵatsyzdana kútip otyr. Elimizdiń abyroıyn asqaq­tatyp, mártebesin kóteretin do­daly báseke ózindik erekshe­lik­terge toly bolmaq. Solardyń biri – Azııa oıyndarynyń tarı­hynda tuńǵysh ret Alaý esta­fe­tasynyń jalǵasatyny. Oblys ákiminiń birinshi orynbasary Samat Eskendirov VII Qysqy Azııa oıyndarynyń Alaý esta­fe­tasyn uıymdastyrý jáne ótkizý jónindegi jumys tobynyń mú­shelerimen kezdesip, óńiri­miz­degi daıyndyq barysymen ta­nystyrdy. Alaý 11 qańtarda El-Kýveıt qalasynda teatrlandyrylǵan kórinis kezinde tutatylyp, qa­zaqstandyq Uıymdastyrý komı­te­tine tapsyrylady. Ony Alma­tynyń áýejaıynda saltanatty túrde qarsy alǵan soń estafeta 11—30 qańtar aralyǵynda oblys ortalyqtaryn aralaıdy. Samat Saparbekuly alaýdyń Qyzyljar óńirine 20 qańtarda jetkizile­tinin, soǵan oraı merekeni jo­ǵary deńgeıde ótkizýdiń barlyq joldary qarastyrylyp jatqa­nyn aıtty. Alaýdy alyp júrýdiń marshrýt kestesi jasalǵan. Máre M. Qozybaev atyndaǵy Soltústik Qazaqstan memlekettik ýnıver­sıteti aldyndaǵy M. Jumabaev­tyń eskertkishinen bastalyp, bel­gili sportshylar, saıasatker­ler, depýtattar, kásipkerler or­talyq kóshelerdi, kórikti jer­lerdi júgirip ótip, Qarasaı jáne Aǵyntaı batyrlardyń eskert­ki­shine toqtaıdy. Alaý estafetasy barlyq is-sharalardan keıin kókshetaýlyqtarǵa tabys etiledi. Estafeta óziniń máresine 30 qań­tar kúni elordadaǵy “Astana-Arena” stadıonynda Azııa oıyn­darynyń ashylý sátinde jetedi. Osylaısha, qyzyljarlyqtar da VII Qysqy Azııa oıynda­ry­nyń Alaý estafetasyn tama­sha­laýǵa múmkindik alyp otyr. О́mir ESQALI, Soltústik Qazaqstan oblysy.