Qazaqstan Respýblıkasy Úkimetiniń qaýlysy №716

2010 jylǵy 14 shilde  Astana, Úkimet úıi Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna tolyqtyrýlar men ózgerister engizý týraly Qazaqstan Respýblıkasynyń Úkimeti qaýly etedi: 1. “Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesin bekitý týraly” Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna (Qazaqstan Respýblıkasynyń PÚAJ-y, № 47-48, 444-kujat) mynadaı tolyqtyrýlar men ózgerister engizilsin: kórsetilgen qaýlymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýndyq-bıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesinde: 7-tarmaqtyń 2) tarmaqshasynyń úshinshi abzasyndaǵy “tásildermen júzege asyrylýy múmkin” degen sózder alynyp tastalyp, mynadaı mazmundaǵy tórtinshi abzaspen tolyqtyrylsyn: “ınfeksııalyq jáne parazıttik aýrýlardyń paıda bolýy men taralýynyń aldyn alý, tótenshe jaǵdaılardy boldyrmaý jáne olardyń saldaryn joıý úshin dárilik zattardy, medısınalyq maqsattaǵy buıymdardy satyp alýdy júzege asyrýdyń erekshe tártibi tásilderimen júzege asyrylýy múmkin.”; mynadaı mazmundaǵy 8-2-tarmaqpen tolyqtyrylsyn: “8-2. Tegin medısınalyq kómektiń kepildik berilgen kólemin kórsetý boıynsha dárilik zattardy, medısınalyq maqsattaǵy buıymdardy satyp alýǵa qatysý úshin áleýetti ónim berýshige qoıylatyn osy Erejeniń 8-tarmaǵynda, 7) tarmaqshasyn qospaǵanda, 8-1, 10-tarmaqtarynda kózdelgen talaptar ınfeksııalyq jáne parazıttik aýrýlardyń paıda bolýy men taralýynyń aldyn alý, tótenshe jaǵdaılardy boldyrmaý jáne olardyń saldaryn joıý úshin dárilik zattardy, medısınalyq maqsattaǵy buıymdardy satyp alýdy júzege asyrýdyń erekshe tártibine qoldanylmaıdy.”; 12-tarmaqta: 1) tarmaqsha “dárilik zattar, profılaktıkalyq” degen sózderdiń aldynan “Qazaqstan Respýblıkasynda tirkelmegen dárilik zattardy, medısınalyq maqsattaǵy buıymdardy osy Erejeniń 11 -1-taraýynda aıqyndalǵan erekshe tertippen satyp alý jaǵdaılaryn qospaǵanda,” degen sózdermen tolyqtyrylsyn; 5) tarmaqsha “medısınalyq” degen sózdiń aldynan “Qazaqstan Respýblıkasynda tirkelmegen dárilik zattardy, medısınalyq maqsattaǵy buıymdardy osy Erejeniń 11 -1-taraýynda aıqyndalǵan erekshe tártippen satyp alý jaǵdaılaryn qospaǵanda,” degen sózdermen tolyqtyrylsyn; 6) tarmaqsha “bıosımılıarlardyń” degen sózdiń aldynan “Qazaqstan Respýblıkasynda tirkelmegen dárilik zattardy, medısınalyq maqsattaǵy buıymdardy osy Erejeniń 11 -1-taraýynda aıqyndalǵan erekshe tártippen satyp alý jaǵdaılaryn qospaǵanda,” degen sózdermen tolyqtyrylsyn; 82-tarmaq “biryńǵaı dıstrıbıýtorǵa joldaıdy,” degen sózderden keıin “osy Erejeniń 11-1-taraýynda kózdelgen jaǵdaılardy qospaǵanda,” degen sózdermen tolyqtyrylsyn; 3-bólim mynadaı mazmúndaǵy 11-1-taraýmen tolyqtyrylsyn: “11-1-taraý. Infeksııalyq jáne parazıttik aýrýlardyń paıda bolýy men taralýynyń aldyn alý, tótenshe jaǵdaılardy boldyrmaý jáne olardyń saldaryn joıý úshin dárilik zattardy, medısınalyq maqsattaǵy buıymdardy satyp alýdy júzege asyrýdyń erekshe tártibi 133-1. Dárilik zattardy, medısınalyq maqsattaǵy buıymdardy satyp alýdyń erekshe tártibin biryńǵaı dıstrıbıýtor: 1) ınfeksııalyq jáne parazıttik aýrýlardyń paıda bolýy men taralýynyń aldyn alý qajet bolǵan; 2) tótenshe jaǵdaılardy boldyrmaý jáne olardyń saldaryn joıý qajet bolǵan jaǵdaılarda júzege asyrady. 133-2. Satyp alýdyń erekshe tártibi Qazaqstan Respýblıkasy ratıfıkasııalaǵan halyqaralyq sharttar (kelisimder), sondaı-aq olardy iske asyrý úshin qol qoıylǵan halyqaralyq sharttar negizinde qoldanylady. 133-3. Infeksııalyq jáne parazıttik aýrýlardyń paıda bolýy men taralýynyń aldyn alý, tótenshe jaǵdaılardy boldyrmaý jáne olardyń saldaryn joıý úshin dárilik zattarmen, medısınalyq maqsattaǵy buıymdarmen ýaqtyly qamtamasyz etý jáne erekshe tártippen satyp alýdy júzege asyrý maqsatynda densaýlyq saqtaý salasyndaǵy ýákiletti organ: 1) satyp alynýǵa tıis dárilik zattardyń, medısınalyq maqsattaǵy buıymdardyń tizbesin (tizimin) jáne sanyn; 2) kedendik tazartý boıynsha shyǵystardy qosa alǵanda, dárilik zattardyń, medısınalyq maqsattaǵy buıymdardyń boljamdy qunyn (baǵasyn); 3) qarjylandyrý kózin aıqyndaıdy. 133-4. Áleýetti ónim berýshi retinde erekshe tártippen satyp alýǵa qatysý úshin Qazaqstan Respýblıkasy ratıfıkasııalaǵan halyqaralyq sharttar (kelisimder), sondaı-aq olardy iske asyrý úshin qol qoıylǵan halyqaralyq sharttar negizinde sheteldik jáne halyqaralyq kommersııalyq emes uıymdarǵa ruqsat beriledi. 133-5. Erekshe tártippen satyp alýdy júzege asyrý kezinde biryńǵaı dıstrıbıýtor áleýetti ónim berýshiden: 1) dárilik zattardyń, medısınalyq maqsattaǵy buıymdardyń baǵasy boıynsha usynysty; 2) Qazaqstan Respýblıkasynda tirkelmegen dárilik zattardy, medısınalyq maqsattaǵy buıymdardy satyp alý jaǵdaılaryn qospaǵanda, dárilik zattardyń, medısınalyq maqsattaǵy buıymdardyń Qazaqstan Respýblıkasynda tirkelgenin jáne olardyń osy Erejeniń 12-tarmaǵynda kózdelgen talaptarǵa sáıkestigin rastaıtyn qujattardy suraıdy. 133-6. Erekshe tártippen júzege asyrylǵan Dárilik zattardy, medısınalyq maqsattaǵy buıymdardy satyp alý týraly shartty (kelisimdi) osy taraýdyń talaptaryn esepke ala otyryp, biryńǵaı dıstrıbıýtor jasaıdy. 133-7. Qazaqstan Respýblıkasy ratıfıkasııalaǵan halyqaralyq shart sheńberinde jasalǵan sharttarda (kelisimderde) shart somasynyń 100 paıyzy mólsherindegi avanstyq (aldyn ala) tólemge jol beriledi.”. 2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV.