AZAMATTARDYŃ AMANATYN AITAMYN

Redaksııaǵa hat Men ózimniń kúni búginge deıin bul taqyrypty qozǵaǵan hatta­rym­dy kóptegen quzyrly organ­darǵa joldap, ómirdiń óz ózeginen týyn­­daǵan usynystarymdy tapsy­ryp edim. О́kinishke qaraı, solar­dyń birde-birinen ózimdi jáne me­nen qoldaý kútip otyrǵan myń­da­ǵan zeınetkerlerdi qanaǵattandy­ra­tyn tushymdy jaýap ala alma­dym. Son­­­dyqtan aqyrǵy júginer núktem retinde respýblıkalyq “Egemen Qazaqstan” gazetiniń redaksııasyna hat jazýǵa májbúr boldym. Barshańyzǵa belgili, elimiz ege­mendik alǵan sonaý 90-ynshy jyl­­­dardyń ba­synda jappaı na­ryqtyq qatynas­tar­ǵa kóshtik te, jurttyń nápaqa aıy­ryp otyrǵan kolhozdary men sov­hozdary bir sátte jekeshelen­di­rilip, olardyń oryndarynda ár­túrli kólem men deńgeıdegi sha­rýashylyq qury­lymdary paıda boldy. Eń qıyny, burynnan kele jatqan irgeli sha­rýashylyqtardyń bulaısha kóp­­tegen usaq sharýa qo­jalyqtaryna bólinip ketýi olar­daǵy jyldar boıy qalyptasqan býhgalterlik eseptik júıeniń kilt toqtaýyna aparyp soqtyrdy. О́z kezeginde bul irkilister táýelsiz eli­mizde qabyldanǵan jańa zań­darǵa sáıkes qoldanysqa engizile bastaǵan jasy jetken kisilerge zeınetaqy bel­gileý úderisine úlken zalal keltire bastady. Sonyń sal­darynan aý­yldyq jerlerde tu­ryp, búkil sa­naly ǵumyrlaryn aýyl sharýa­shy­lyǵyna arnaǵan, tańnyń aty­synan kúnniń baty­syna deıin bel jazbaı eńbek etip, beınetti bel­sheden keshken adam­dar­dyń zeı­netke shyǵýlary qı­yndap qaldy. Bul jaǵdaı, ásirese, 1940 jyldan keıin dúnıege kelip, zeınet ja­syna jetkenderge aı­ryqsha qatty batyp tur. Qazir arada ótken qanshama jyl­dardyń bıiginen qarasaq, biz­diń bárimizdiń bul turǵyda oı­la­nyp, máselege qaıta orala­tyn­daı sebebimiz bar ekenine anyq kózimiz jeter edi. О́z kezegimde men ál­ginde aıtqan 1940 jyldan bastap týǵan kisilerdiń zeınet­aqy­laryn aldyńǵy tolqynǵa te­ńes­tirý úshin mynadaı sharalardy júzege asyrýdy usynar edim. Birinshiden, bul sanattaǵy ki­silerdiń muraǵattardan 1995 jylǵa deıingi sońǵy 1-3 jyldyq aılyq tabystary týraly anyqtamalary alynyp, turǵylyqty jerlerindegi áleýmettik mekemelerge tapsyrý­la­ry júzege asyrylsa. Ekinshiden, áleýmettik mekemeler olardyń sol ákelip tapsyrǵan anyqtama­la­ry negizinde qaıta esep jasap, or­tasha aılyq tabystarynyń mól­sher­lerin anyqtasa. Mine, osy eki tarmaqtan turatyn usynystar oryndalyp jatsa, bizdiń baıaǵydan beri kóterip júrgen ózekti máse­­­lemizdiń ótimi kelip, órkeni ja­ıylar edi. Zeınetaqy belgileýde, menińshe, taǵy bir ret osyndaı zeıin kerek bolyp tur. Jaqsymbek ÁBILOV, zeınetkerler quqyǵyn qorǵaý qoǵamdyq komıtetiniń tóraǵasy. ALMATY.