Tájikstanda hıdjab kıgender qatań baqylaýǵa alynbaq

ASTANA. 31 naýryz. Tájikstandaǵy Hodjand qalasynyń meri Radjab Ahmadzoda shuǵyl jıyn ótkizip, oǵan tıisti bólimder men ıoga dininiń qyzmetkerleri qatysty. Bul týraly news.tj habarlady. Jıynda qala meri quqyq qorǵaý qyzmetkerlerine qatań tapsyrma júktedi. Onda dástúrli dindi ustanatyn jastar men áıelderdiń júris-turysyn, hıdjab kııý úlgisin baqylaýda ustaý qajettigi aıtyldy. Turǵyndardyń ekstremıstik aǵymnyń jetegine erip ketpeýin qamtamasyz etip, ulttyq úlgide kıinip júrýin tapsyrdy. Sondaı-aq, qala basshylyǵy arnaıy reıd uıymdastyryp, tipti bazarlardaǵy kıim saýdasyn nazarda ustaý qajettigin eskertti. Máselen, Iran men Aýǵanystannan ákelinetin kıimderdi satpaýǵa tyıym salýdy tapsyrdy. Al qalalyq ishki saıasat bólimi men ıoga din isteri qyzmetkerleri ár juma saıyn meshitterge baryp Hanıfa mazhabyndaǵylardyń «Salafı» aǵymyna ótip ketpegendigin anyqtaý jóninde tapsyrma aldy. Sanymen qatar, qala meri qyz-kelinshektermen kezdesý uıymdastyryp, ulttyq mádenıetke saı keletin kıim úlgisin kııýdi nasıhattaý qajettigin tıisti oryndarǵa tapsyrdy. Jıynda kóterilgen máseleler aqparat quraldary arqyly taratylatyn boldy. Talǵat Raıymbek. Derek, sýret: news.tj.