Qostanaı oblysynda 116 adamdy kene shaqty

QOSTANAI. 18 mamyr. Qostanaı oblysynyń emdeý oryndaryna 116 adam kene shaǵyp túsken.  Bul týraly egemen.kz tilshisi habarlady. Qostanaı óńirinde keneniń denege jabysqany, onyń shaqqany asa qaterli emes. Kene shaqandardyń barlyǵy da aman. Alaıda, mamandar jurtshylyqqa keneden saqtanýdy barynsha eskertip otyr. Kene ýly bolǵan jaǵdaıda ol adam ómirine óte qaýipti sanalatyn mıdyń qabynýyn týdyratyny belgili. Sonymen qatar ol sirespeden bezgekke deıingi qaýipti kóptegen juqpaly aýrýlardy da taratady. Oblystyq sanıtarlyq-epıdemıologııalyq laboratorııa meńgerýshisi Qarlyǵash Kenjebaeva: «Biz laboratorııada kenelerdi zertteımiz. Biz olardan bezgek taraıtyndyǵyn tekseremiz. Biraq osy kúnge deıin aýrýǵa oń nátıje bergen emes. Endi bıyl ekinshi ret bezgekke taǵy da tekserýdemiz», dedi. Qarlyǵash Kenjebaeva keneden saqtanýdyń joldaryn da aıtty.  Bir tústi kıim, egý jáne túrli hımııalyq zattar keneden saqtanýǵa múmkindik beredi.  Qostanaı óńirinde keneler ýly bolmasa da, olardan saqtaný kerek. Názıra Járimbetova. Derek, sýret: alau.kz