Astana «aqyldy» qalalar qataryna enbek

 

Innovasııalyq klasterlerdi damytý men qalyptastyrý barysynda sheteldik ınvestısııalardy tartý jáne syrtqy ekonomıkalyq biriktirýdi jandandyrýdyń tıimdi tetigi jatyr. Osy maqsatta elimizde kóptegen jobalar qolǵa alynyp, birqatar mindetter atqarylýda.

Prezıdent janyndaǵy Or­ta­lyq kommýnıkasııalar qyz­metinde ótken baspasóz máslı­hatynda atalǵan salanyń qazirgi tańdaǵy ahýaly jónin­de ha­bar­dar etildi. BAQ ókil­deri­men kezdesýge kelgen «Astana – jańa qala» arnaıy ekono­mı­ka­lyq aımaǵyn ákim­shilen­dirý basqarmasy» mem­leket­tik mekeme­siniń basshysy Ilııas Janǵas­kın men «As­tana Inno­vations» AQ basqar­ma tóraǵasy Ál­taıyr Ýyzbaev As­ta­nada ınno­vasııalyq klasterdi damytý taqyrybyn tarqata aıtty. AEA aýmaǵyna Astananyń eki ındýstrııalyq parki kire­di. Indýstrııalyq parkter – bul jeńil­dikti salyq jáne keden re­jimi belgilengen jańa óner­kásiptik aımaqtar. Investorlar kor­poratıvtik jáne tabys saly­ǵynan, merzimi 10 jylǵa deıin ýchaskeni jalǵa alý tólem­aqysynan, jer salyǵynan, múlikke salynatyn salyqtan bosatyldy, dedi Ilııas Janǵaskın óz sózinde. Al bul turǵyda edáýir salyqtyq jeńildikter ınvestısııalardy tartý men óndiristerdi qosý úshin AEA aımaǵyn jáne ındýstrııalyq parkterdi tartymdy etetindigin aıtty. Sondaı-aq, «Astana – jańa qala» arnaıy ekonomıkalyq aımaǵynda 2002 jylmen salys­tyrǵanda bıyl tartylǵan ınves­tısııalar kólemi eki trıllıonnan asa teńgeni qurady, al 2010 jyly barlyǵy 393,5 mlrd.teńge somasyna ónim shyǵaryldy, dep atap ótti I.Janǵaskın. Kelesi kezekte sóz alǵan Ál­­taıyr Ýyzbaev 2013 jyly As­ta­nany damytý jónindegi keńes­te Elbasy Nursultan Nazar­­baev Úkimetke jáne Astana ákimdigine 2017 jyly Asta­na qalasyn álemniń 50 «aqyldy» qalalarynyń reıtıngine kóterý máselesin tapsyrǵanyn aıta kele, osynyń aıasynda birqatar málimettermen tanystyrdy. Sonymen qatar, «Astana Inno­vations» kompanııasynyń qyzmeti negizgi úsh baǵyt boıynsha jumys isteıtindigin alǵa tartty. Olar­dyń qataryna ınnovasııalyq star­taptardy qoldaý, «Smart Astana» baǵdarlamasyn iske asyrý, sondaı-aq, Astana qalasynyń tynys-tirshiligin keshendi qamta­masyz etý júıesin damytý jatady, dedi Á.Ýyzbaev. Atalmysh úsh baǵytqa jeke-dara toqtalyp ót­ken ol, birinshi baǵyt boıynsha startap-kompanııalarǵa olar­dy damytýdyń bastapqy kezeńin­de qarjylyq jáne keńes berý qyz­metteri kórsetiletindigin aıtty. Al, kelesi baǵyt aıasynda elor­da ómirine ınnovasııalyq Smart tehnologııalaryn endirý qyzme­ti turǵandyǵyn jetkizgen Á.Ýyz­baev osy baǵdarlama sheńberinde Smart ERS, Smart mektep, Smart emhana, Smart kólik, Smart avto­turaq, Smart TKSh jáne Smart ja­ryq­tandyrý sııaqty jobalardy is­ke asyrý júrgiziletindigin aıt­ty. Sondaı-aq, kompanııa qyz­metiniń úshinshi baǵyty Astana qalasynyń «Tynys-tirshiligin keshendi qamtamasyz etý júıesi» baǵdarlamasyn iske asyrý bolyp tabylatyndyǵyn jetkizdi. Elmıra MÁTIBAEVA, «Egemen Qazaqstan».