Qazaqstan Respýblıkasy Úkimetiniń qaýlysy  №472

2015 jylǵy 23 maýsym, Astana, Úkimet Úıi «Jol júrisi qaǵıdalaryn, Kólik quraldaryn paıdalanýǵa ruqsat berý jónindegi negizgi erejelerdi, kóligi arnaıy jaryq jáne dybys sıgnaldarymen jabdyqtalýǵa jáne arnaıy tústi-grafıkalyq shemalar boıynsha boıalýǵa tıis jedel jáne arnaıy qyzmetter tizbesin bekitý týraly» Qazaqstan Respýblıkasy Úkimetiniń 2014 jylǵy 13 qarashadaǵy №1196 qaýlysyna ózgerister men tolyqtyrý engizý týraly Qazaqstan Respýblıkasynyń Úkimeti qaýly etedi: 1. «Jol júrisi qaǵıdalaryn, Kólik quraldaryn paıdalanýǵa ruqsat berý jónindegi negizgi erejelerdi, kóligi arnaıy jaryq jáne dybys sıgnaldarymen jabdyqtalýǵa jáne arnaıy tústi-grafıkalyq shemalar boıynsha boıalýǵa tıis jedel jáne arnaıy qyzmetter tizbesin bekitý týraly» Qazaqstan Respýblıkasy Úkimetiniń 2014 jylǵy 13 qarashadaǵy №1196 qaýlysyna (Qazaqstan Respýblıkasynyń PÚAJ-y, 2014 j., №69-70, 636-qujat) mynadaı ózgerister men tolyqtyrý engizilsin: 1) kórsetilgen qaýlymen bekitilgen Jol júrisi qaǵıdalarynda: «2. Júrgizýshilerdiń jalpy mindetteri» degen bólimde: 1-tarmaqtyń 1) tarmaqshasynyń besinshi abzasy alyp tastalsyn; 4-tarmaqta: 3) tarmaqsha mynadaı redaksııada jazylsyn: «3) shyqqan jylyn qosa alǵanda, shyǵarylǵanyna jeti jyldan aspaǵan, avtomobıl kóligi salasyndaǵy kásipkerlik qyzmette paıdalanylmaıtyn M1 sanatyndaǵy kólik quraldaryn qospaǵanda, aqaýy bar kólik quralyn, mindetti tehnıkalyq qarap-tekserýden ótpegen kólik quralyn basqarýǵa;»; 6) tarmaqsha alyp tastalsyn; «12. Aıaldaý jáne toqtap turý» degen bólimniń 5-tarmaǵynyń 2) tarmaqshasy alyp tastalsyn; «21. Júrgizip úırený» degen bólimniń 3-tarmaǵy mynadaı redaksııada jazylsyn: «3. Úıretýshiniń ózimen birge tıisti biliktilik kýáligi, ol úıretýdi júrgizetin sol sanattaǵy kólik quralyn basqarý quqyǵyna júrgizýshi kýáligi, al úırenýshiniń – jeke basyn kýálandyratyn qujaty jáne kólik quralyn basqarýǵa qarsy aıǵaqtardyń joq ekendigi týraly medısınalyq qorytyndysy bolady.»; «22. Jolaýshylardy tasymaldaý» degen bólimniń 5-tarmaǵy mynadaı redaksııada jazylsyn: «5. Júrgizýshi jolaýshylardy otyrǵyzýdy jáne túsirýdi osy Qaǵıdalardyń 12-bóliminde belgilengen kólik quraldaryn toqtatýǵa tyıym salynbaǵan jerlerde kólik quraly tolyq toqtaǵannan keıin ǵana júzege asyrýǵa, al júrýdi esikter jabylǵanda bastaýǵa jáne olardy tolyq toqtaǵanǵa deıin ashpaýǵa mindetti. Marshrýttyq kólik quralynyń júrgizýshisi jolaýshylardy otyrǵyzýdy jáne túsirýdi belgilengen aıaldama pýnktterinde ǵana júzege asyrady.»; 2) kórsetilgen qaýlymen bekitilgen Kólik quraldaryn paıdalanýǵa ruqsat berý jónindegi negizgi erejelerde: 5-tarmaqtyń birinshi bóliginiń orys tilindegi mátinine ózgeris engizildi, memlekettik tildegi mátini ózgermeıdi; 14-tarmaqta: 2) tarmaqsha alyp tastalsyn; 5) tarmaqsha mynadaı redaksııada jazylsyn: «5) shyqqan jylyn qosa alǵanda, shyǵarylǵanyna jeti jyldan aspaǵan, avtomobıl kóligi salasyndaǵy kásipkerlik qyzmette paıdalanylmaıtyn M1 sanatyndagy kólik quraldaryn qospaǵanda, mindetti tehnıkalyq qarap- tekserýden ótpegen;»; 3) kórsetilgen qaýlymen bekitilgen kóligi arnaıy jaryq jáne dybys sıgnaldarymen jabdyqtalýǵa jáne arnaıy tústi-grafıkalyq shemalar boıynsha boıalýǵa tıis jedel jáne arnaıy qyzmetter tizbesinde: mynadaı mazmundaǵy 10-tarmaqpen tolyqtyrylsyn: «10. Qazaqstan Respýblıkasy Bas prokýratýrasynyń Arnaıy prokýrorlar departamenti.»; eskertpeniń 2-tarmaǵy mynadaı redaksııada jazylsyn: «2. Memlekettik kúzet qyzmetiniń, ulttyq qaýipsizdik organdarynyń, ishki ister organdarynyń jedel qyzmetteriniń, Qazaqstan Respýblıkasynyń Bas prokýratýrasy Arnaıy prokýrorlar departamentiniń kólik quraldarynda arnaıy tústi-grafıkalyq boıaýlar, tanym belgileri men jazýlary bolmaýy da múmkin.». 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.