Turaqtylyq negizi – tatýlyq

«El birligi – eń asyl qa­sıet», dep Elbasymyz aıt­qandaı, Qazaqstan kóptegen ulttardyń basyn bir shańyraq astyna biriktirip otyrǵan tuǵyrly meken. Iá, jas barystaı qýatty mem­leketimiz álemge ózin tanytyp, damýdyń qaryshty qadamdaryn jasaǵan serpindi el retinde moıyndalyp úlgerdi. Eń bastysy, sútteı uıyǵan ulttar tatýlyǵynyń jarqyn úlgisine aınaldy. Qasıetti Áýlıe ata óńiri – ejelden dostyqtyń kıeli mekeni. Jalpy, Jam­byl oblysynda seksennen astam ulttyń ókilderi tu­rady. Elimizdegi barlyq aza­mat­tardyń quqyqtary birdeı. Ulttar arasyndaǵy teń­dik qana bizdi dittegen maq­satymyzǵa jetkizedi. Iаǵnı, memleket quraýshy ult re­tinde qazaq halqyna aıy­ryqsha jaýapkershilik júk­teletini sózsiz. Dana halqymyzdyń «Er­kin­dik qaıda bolsa – eldik son­da, birlik qaıda bolsa – er­lik sonda» degen ataly sózi bar, tuǵyrymyz – tynyshtyq, tiregimiz – turaqtylyq, tile­gimiz tatýlyq bolsa eli­miz tarıh tórinen tabylary sózsiz. Búginde biz – álem moı­yndaǵan, álemdik órke­nıet kóshinde ózindik bet-beınesi, maqtan tutar máde­nıeti, laıyqty salt-dástúri bar elmiz. Kelisim joq jerde birlik joq, al, birlik bolmasa tirlik te joq. Qazaqstanda ultaralyq kelisim eń jaqsy úlgide júrgizilýde. Sondyqtan álem elderi memleketimizden úlgi alýda, biz buǵan qýanamyz. Elbasy aıtqandaı, aıqyn maqsatqa jeter jetistikterimizdi ortaq tabyspen sáıkestendirip, jumyla jumys jasaý árbir qazaqstandyq úshin mańyzdy. Ony sanamyzǵa serik etip, júregimizben uǵynýymyz kerek. Turaqtylyq negizi – tatýlyq. Al tatýlyq kez kel­gen eldi, halyqty tek jaqsy­lyq pen yntymaqqa, keli­simge jeteleıdi. Birligi berekeli, tirligi merekeli, ynty­maǵy jarasqan eldiń ǵana yrys-nesibesi mol bol­maq. Ultaralyq kelisim men berekege bastar birliktiń ar­qasynda ekonomıkamyz qaryshtap damyp, turmy­sy­myz jyldan jylǵa jaqsara túsýde. Aıjan TÝǴANOVA, «QazAvtoJol» UK» AQ-tyń Jambyl oblystyq fılıaly dırektorynyń orynbasary. Jambyl oblysy.