JAS MAMANDAR — AÝYLǴA

Elimizdegi “Dıplommen – aýyl­ǵa” jobasy aıasynda jas ma­mandar aýyldarǵa bet bura bas­ta­dy. Osyǵan sáıkes olarǵa kóter­me járdemaqy men turǵyn úı satyp alý, ne salý úshin beriletin nesıeniń mólsheri, olardyń oryn­dalý tártibi aǵymdaǵy jyl­dan bastap, júıeli júrgizilip keledi. Syr elinde osy maqsatqa ót­ken jyly 53,6 mln. teńge qarjy bólinip, onyń 44,3 mln. teńgesi ıgerilgen. Eger naqtylaı aıtar bolsaq, Syr aımaǵynda aýyldyq jerlerge jumys isteýge barǵan 487 mamanǵa kóterme járdemaqy tólenip, olardyń qyzmet etýine barynsha jaǵdaı jasalǵan. Al, aǵymdaǵy jyly Qorqyt ata atyn­daǵy memlekettik ýnıversı­tet­ti bitirýshilerdiń 200-i aýyl­dyq jerlerge baryp, qyzmet etýge tilek bildirip otyr. Búgingi kúnge osylardyń 43-i bos jumys oryndaryna, ıaǵnı shalǵaı eldi mekenderge bet burdy. Jas mamandardy aýyldarǵa at­tandyrar aldynda oblys áki­mi­niń orynbasary Murat Muhame­dov­tiń tóraǵalyǵymen jastardy áleýmet­tik qoldaýǵa arnalǵan má­jilis ótip, onda aýyldyq eldi me­kenderdiń áleý­mettik sala qyz­met­kerlerin qol­daý jáne ynta­lan­dyrý másele­leri boıynsha zań aktilerine engi­zil­gen ózgerister men tolyqtyrýlar jaıly jan-jaqty áńgime órbidi. Erkin ÁBIL, Qyzylorda oblysy.