NEMQURAIDYLYQ – QOǴAM DERTI

Aıtaıyn degenim... Kóshede kele jatyp, ótken-ket­ken ár túrli jaǵdaılarǵa oı júgir­te­siń. О́ıtkeni, bul jáıtterdiń bar­ly­ǵy da meniń qoǵamymda bolyp jatyr. Osy ortada ómir súrgendik­ten, kóshedegi keleńsizdikter meni de aınalyp kete almaq emes. Qo­ly­ma qalam alýyma da osyndaı jáıt­ter sebep boldy. Sonyń bas­ty­sy – adamdardyń nemquraıdylyǵy. Elordadaǵy Baraev kóshesi boıy­men kele jatqan marshrýttyq avtobýs júr­gi­zý­shisi birden teje­gish­ti basyp, jo­laý­shylardy bir shaı­qap aldy. Jurt­tyń barlyǵy abyr-sabyr boldy. Sóıtsek, avtobýs aldyndaǵy jeńil avtokólik ıesi jaıaý júrginshi qıyp ótkendikten,  bir­den teje­gish­ke aıaq salǵan. Ar­ty­nan asyǵys kele jatqan avtobýs ja­ńaǵy jeńil kólikke janaı baryp toqtaǵan. Osylaısha, eki júrgizýshi bir-biri­men kerisip, ne kelisip jatqanda, álgi jol erejesin buzǵan jaıaý júr­gi­nshi jónine kete bardy. Qarap tur­sańyz, jaıaý júrgin­shi­ler­ge arnal­ǵan baǵdarsham 10 metr jer­de ǵana tur. Sondaı arnaıy oryn­dar­dan ótpeı, joldy tóte­si­nen qııa­myn dep qanshama adamnyń ómiri qıylǵanyna talaı kýá boldym. Taǵy bir mysal keltireıin. Úne­mi qoǵamdyq kólikte júretindikten, kózime shaǵyn ǵana jarnama ilikti. Onda orysshasynda “Vse dlıa býdýshee detıam, skajı narkotıkam NET!” delinse, qazaqshasynda “Bar­lyǵy balalar úshin, nasha­qor­lyqpen kúres JOQ!” dep jazy­lyp­ty. Bul jerde nashaqorlyqpen kúres joqtyǵy emes,  talaılardyń sory bolǵan soraǵa oryn joqtyǵy aıtylyp turǵan joq pa. Osydan-aq memlekettik tilge degen nemquraı­dylyqty kórýge bolady. Selqostyq pen nemquraıdylyq jeke otbasynan bastap, búkil memlekettiń taǵdyryna teris áser bererin eskersek, biz úshin osyndaı dertpen myqtap kúresý ýaqyt talaby bolýy tıis. “Oıan, qazaq!” dep urandatqan keshegi atalarymyz bizdi osyndaı nemquraıdylyqtan arylýǵa shaqyrsa kerek. Olaı bolsa, bizge jelpinetin, serpiletin kez kelgeni anyq. Asqar TURAPBAIULY.