ASTANA. 2 shilde. XX ǵasyrdyń basynda Vladımır Ilıch Lenınniń Baltyq jaǵalaýyndaǵy ashtyqtan kúızelgen eńbekkerlerge, qyrylyp ketýi múmkin 7 mln. balaǵa jomart kómegin suraǵan úndeý hatyna 14 vagon balyqpen jaýap berip, turmysy turalaǵan eldi ashtyqtan azat qylǵan Tólegen Medetbaevqa arnap Araldan bıýst ashyldy. Bul týraly aýdan ákimdiginiń baspasóz qyzmeti habarlady.
Aral topyraǵy talaı tarlandy dúnıege ákelgen shejireli meken. Sonyń biri jáne biregeıi keshegi Keńestik dáýirdegi Araldyń atyn álemge tanytqan, óskeleń urpaq úshin uly dala tarıhynyń ańyz adamy – Tólegen Medetbaev bolatyn. Sondyqtan da araldyqtar tól perzentiniń esimin ulyqtaý maqsatynda ortalyq alańdaǵy «Jastar alleıasyna» bıýst qoıydy.
Tólegen Medetbaev alǵashqy eńbek jolyn baılardyń qarapaıym jumysshysy bolýdan bastaǵan ol 1906 jyly Keńes ókimetiniń alǵashqy jyldarynda jumysshy sharýa mılısııasynyń erikti otrıadyn uıymdastyrýǵa qatysqan.
Bıýsttiń ashylý saltanatyna oblystyq máslıhat hatshysy Aqmaral Álnazarova, oblys ákiminiń orynbasary Nurjan Álibaev jáne tarıhı tulǵanyń týǵan-týystary men urpaqtary qatysty.
Shara barysynda jınalǵandar Tólegen Medetbaev jaıly estelikter aıtyp, halqyna qamqor bolǵan jannyń ómir jolyn búgingi urpaqqa úlgi etti.
Talǵat Raıymbek.
Derek, sýret: Aral aýdany ákimdiginiń baspasóz qyzmeti.
