“Otanyma adal qyzmet etemin!” – deıdi mindetti áskerı boryshyn óteýge kelgen jas sarbazdar

Taldyqorǵandaǵy №5514  áskerı bólimge Soltústik Qazaqstan, Qostanaı, Petropavl jáne ózge óńirlerden boryshyn óteýge kelgen 100 sarbaz ant qabyldady. Uly Otan soǵysynyń ardagerleri men komandırler qatysqan jıynda elimizdiń Ánurany asqaqtap, jas jaýyngerlerdiń rýhyn kóterdi. “Danq” eskertkishine taǵzym etip, gúl shoqtaryn qoıǵan olar áskerı bólimniń Týy aldynda Otanyna,  Qazaqstan halqyna, Prezıdentke adal qyzmet etetindikterin bildirip, ant berip, qoldaryn qoıdy. Danqty qolbasshy Baýyrjan Momyshuly: “Otan úshin otqa tús, kúımeısiń!” degen. Osy parasattylyqtyń astarynda búgingi urpaqqa úlgi bolatyn tereń oı jatqany anyq. Sondyqtan da bolar, osy kúngi saltanatqa alystan kelgen ata-analar perzentteriniń eli men jerin qorǵaıtyn azamat bolǵandyǵyn kózben kórip, tálim-tárbıeleriniń qaıtarymyna kýá boldy. Jıynda Otan soǵysynyń ardageri Toqtarbaı Qanapııanov, áskerı bólim komandıri Ábdumarat Táshimbetov, taǵy basqalar sóılep, atameken, týǵan jerge ter tógý, eldiń tynyshtyǵyn saqtaý abyroı ekendigin sózderine arqaý etip, sarbazdardy quttyqtady. Kúmisjan BAIJAN,Almaty oblysy.