Qostanaı oblysynda jolaýshylar avtobýsy aýdarylyp qaldy

QOSTANAI. 2 shilde. Arqalyq qalasynan Jangeldın aýdanynyń Torǵaı kentine shyqqan avtobýs jol apatyna ushyrady. Bul týraly egemen.kz tilshisi habarlady. Avtobýs Amangeldi aýdanynyń Qarasý aýylynan óte bergende aldynan bir otar qoı shyǵa keldi. Júrgizýshi otardyń aldyn alyp ketemin degende, rýlge ıe bola almaı, avtobýs aýdarylyp ketti. Avtobýstyń ishinde kele jatqan 24 jolaýshy túrli jaraqat aldy. Zardap shekkenderge jaqyn jerdegi emdeý ornynda kómek kórsetildi. Áıteýir abyroı bolǵanda bas bútin, baýyr aman. 7 jáne 11 jastaǵy eki bala «Sanavıasııamen» Qostanaıdaǵy  oblystyq balalar aýrýhanasyna jetkizildi. Olar aýrýhananyń travmotologııa bólimshesine jatqyzyldy. Dárigerlerdiń aıtýynsha, olardyń ómirine qaýip joq, jaǵdaıy jaman emes. Jol polıseıleri jol apatynyń syzbasyn jasap, 49 jastaǵy júrgizýshige sot-medısınalyq saraptama jasady. Júrgizýshiniń ishimdik ishpegeni anyqtaldy. Qazir jol apatyna baılanysty jolaýshylar avtobýsynyń júrgizýshisi ústinen qylmystyq is qozǵaldy. Sotqa deıingi tergeý jumystary júrip jatyr. Názıra Járimbetova. Derek, sýret: egemen.kz