Qazaqstan Respýblıkasy Úkimetiniń qaýlysy № 736

2010 jylǵy 19 shilde  Astana, Úkimet úıi Dárilik zattardy, medısınalyq maqsattaǵy buıymdardy jáne medısınalyq tehnıkany tótenshe jaǵdaılardy joıýǵa qatysý úshin Qazaqstan Respýblıkasynyń aýmaǵynan ketetin medısınalyq jáne avarııalyq-qutqarý uıymdary men quralymdarynyń materıaldyq-tehnıkalyq quraldarynyń quramynda Qazaqstan Respýblıkasynyń aýmaǵynan áketý erejesin bekitý týraly “Halyq densaýlyǵy jáne densaýlyq saqtaý júıesi týraly” Qazaqstan Respýblıkasynyń 2009 jylǵy 18 qyrkúıektegi Kodeksiniń 81-babyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Dárilik zattardy, medısınalyq maqsattaǵy buıymdardy jáne medısınalyq tehnıkany tótenshe jaǵdaılardy joıýǵa qatysý úshin Qazaqstan Respýblıkasynyń aýmaǵynan ketetin medısınalyq jáne avarııalyq-qutqarý uıymdary men quralymdarynyń materıaldyq-tehnıkalyq quraldarynyń quramynda Qazaqstan Respýblıkasynyń aýmaǵynan áketý erejesi bekitilsin. 2. Osy qaýly alǵash ret resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri                       K.MÁSIMOV. ___________________________________________________________ Qazaqstan Respýblıkasy Úkimetiniń 2010jylǵy “19” shildedegi № 735 qaýlysymen bekitilgen Dárilik zattardy, medısınalyq maqsattaǵy buıymdardy jáne medısınalyq tehnıkany tótenshe jaǵdaılardy joıýǵa qatysý úshin Qazaqstan Respýblıkasynyń aýmaǵynan ketetin medısınalyq jáne avarııalyq-qutqarý uıymdary men quralymdarynyń materıaldyq-tehnıkalyq quraldarynyń quramynda Qazaqstan Respýblıkasynyń aýmaǵynan áketý erejesi 1. Jalpy erejeler 1. Osy Dárilik zattardy, medısınalyq maqsattaǵy buıymdardy jáne medısınalyq tehnıkany tótenshe jaǵdaılardy joıýǵa qatysý úshin Qazaqstan Respýblıkasynyń aýmaǵynan ketetin medısınalyq jáne avarııalyq-qutqarý uıymdary men quralymdarynyń materıaldyq-tehnıkalyq quraldarynyń quramynda Qazaqstan Respýblıkasynyń aýmaǵynan áketý erejeleri (budan ári – Ereje) dárilik zattardy, medısınalyq maqsattaǵy buıymdardy jáne medısınalyq tehnıkany tótenshe jaǵdaılardy joıýǵa qatysý úshin Qazaqstan Respýblıkasynyń aýmaǵynan ketetin medısınalyq jáne avarııalyq-qutqarý uıymdary men quralymdarynyń materıaldyq-tehnıkalyq quraldarynyń quramynda Qazaqstan Respýblıkasynyń aýmaǵynan áketý tártibin aıqyndaıdy. 2. Osy Erejeniń qoldanylýy tótenshe jaǵdaılardy joıýǵa qatysý úshin dárilik zattardy, medısınalyq maqsattaǵy buıymdar men medısınalyq tehnıkany Qazaqstan Respýblıkasynyń aýmaǵynan áketýdi júzege asyratyn medısınalyq jáne avarııalyq-qutqarý uıymdary men quralymdaryna (budan ári – uıymdar) taralady. 2. Derilik zattardy, medısınalyq maqsattaǵy buıymdardy, medısınalyq tehnıkany áketý tártibi 3. Qazaqstan Respýblıkasynyń aýmaǵynan tys jerdegi tótenshe jaǵdaılar kezinde shuǵyl medısınalyq kómek kórsetýge arnalǵan dárilik zattardy, medısınalyq maqsattaǵy buıymdardy jáne medısınalyq tehnıkany áketýdi densaýlyq saqtaý salasyndaǵy ýákiletti organ júzege asyrady. Densaýlyq saqtaý salasyndaǵy ýákiletti organ uıymnyń ótinishi túsken kúnnen bastap bir jumys kúni ishinde áketýge kelisim beredi ne dáleldi túrde bas tartady. 4. Dárilik zattar, medısınalyq maqsattaǵy buıymdar, medısınalyq tehnıka Qazaqstan Respýblıkasynda memlekettik tirkelmegen jáne farmasevtıkalyq nemese medısınalyq qyzmetpen aınalysýǵa lısenzııa bolmaǵan jagdaıda áketýge kelisim jáne ruqsat berýden bas tartylýy múmkin. 5. Qazaqstan Respýblıkasynyń aýmaǵynan dárilik zattardy, medısınalyq maqsattaǵy buıymdardy, medısınalyq tehnıkany áketýge kelisimdi resimdeý úshin uıymdar densaýlyq saqtaý salasyndaǵy ýákiletti organǵa mynadaı qujattardy usynady: densaýlyq saqtaý salasyndaǵy qoldanystaǵy zańnamaǵa sáıkes qaǵaz jáne elektrondy tasyǵyshtarda dárilik zattardy, medısınalyq maqsattaǵy buıymdardy, medısınalyq tehnıkany áketýge ruqsat berýge ótinish; farmasevtıkalyq nemese medısınalyq qyzmetpen aınalysýǵa lısenzııanyń kóshirmesi; Qazaqstan Respýblıkasy Tótenshe jaǵdaılar mınıstrliginiń eketiletin dárilik zattardyń, medısınalyq maqsattaǵy buıymdardyń, medısınalyq tehnıkanyń nysanaly maqsaty týraly haty. 6. Qazaqstan Respýblıkasynyń aýmaǵynan tys jerdegi tótenshe jaǵdaılar kezinde shuǵyl medısınalyq kómek kórsetýge arnalǵan, quramynda esirtki quraldary, psıhotroptyq zattar men prekýrsorlar bar dárilik zattardy áketý esirtki quraldary, psıhotroptyq zattar men prekýrsorlar aınalymy salasyndaǵy ýákiletti memlekettik organ (budan ári – ýákiletti organ) beretin esirtki quraldaryn, psıhotroptyq zattar men prekýrsorlardy áketýge ruqsaty bolǵan jaǵdaıda júzege asyrylady. 7. Ýákiletti organ uıymnyń ótinishi túsken kúnnen bastap bir jumys kúni ishinde quramynda esirtki quraldary, psıhotroptyq zattar men prekýrsorlar bar dárilik zattardy áketýge jazbasha ruqsat beredi ne osy Erejeniń 4-tarmaǵynda kózdelgen jaǵdaılarda dáleldi túrde bas tartady. 8. Kómek kórsetýge arnalǵan, quramynda esirtki quraldary, psıhotroptyq zattar men prekýrsorlar bar dárilik zattardy áketýdi júzege asyratyn uıymdar áketýge ruqsat alý úshin ýákiletti organǵa mynadaı qujattardy usynady: qaǵaz jáne elektrondyq tasyǵyshtarda quramynda esirtki quraldary, psıhotroptyq zattar men prekýrsorlar bar dárilik zattardy áketýge ruqsat berýge ótinish; esirtki quraldary, psıhotroptyq zattar men prekýrsorlar aınalymyna baılanysty qyzmetti júzege asyrýǵa lısenzııanyń kóshirmesi; Qazaqstan Respýblıkasy Tótenshe jaǵdaılar mınıstrliginiń quramynda esirtki quraldary, psıhotroptyq zattar, prekýrsorlar bar áketiletin dárilik zattardyń nysynaly maqsaty týraly haty. 9. Kómek kórsetýge arnalǵan, quramynda esirtki quraldary, psıhotroptyq zattar men prekýrsorlar bar dárilik zattardy áketýdi júzege asyratyn uıymdar Qazaqstan Respýblıkasynyń zańnamasyna sáıkes olardy esepke alý men kúzetýdi qamtamasyz etedi. 10. Kómek kórsetýge arnalǵan quramynda esirtki quraldary, psıhotroptyq zattar men prekýrsorlar bar dárilik zattardy áketýdi júzege asyratyn uıym basshysy óziniń buıryǵymen zańnamada belgilengen tártippen esirtki quraldarymen jáne psıhotroptyq zattarmen jumys isteýge jiberilgen, olardyń jetkizilýine, esepke alynýyna, saqtalýy men tótenshe jaǵdaılar aýdanynda zardap shekkenderge shuǵyl medısınalyq kómek kórsetý úshin paıdalanylýyna jaýapty tulǵalardy taǵaıyndaıdy. Quramynda esirtki quraldary, psıhotroptyq zattar men prekýrsorlar bar dárilik zattarǵa ruqsatty nashaqorlyq, ýytqumarlyq, sozylmaly maskúnemdik aýrýlarynyń joqtyǵy týraly psıhıatr men narkolog dárigerlerdiń, sondaı-aq olardyń arasynda joǵary qaýipti kózben baılanysty kásibı qyzmettiń jeke túrlerin oryndaýǵa jaramsyz bolyp tanylǵan tulǵalardyń joq ekendigi týraly qorytyndysy bar tulǵalar ǵana ala alady. 11. Zardap shekkenderge kómek kórsetý úshin paıdalanylatyn quramynda esirtki quraldary, psıhotroptyq zattar men prekýrsorlar bar dárilik zattar esepke alynyp, arnaıy bólingen orynda jáne basqa dárilik zattardan bólek jerde seıfte saqtalady. Quramynda esirtki quraldary, psıhotroptyq zattar men prekýrsorlar bar dárilik zattardy esepke alý nómirlengen, tigilgen, uıym men Qazaqstan Respýblıkasy Densaýlyq saqtaý mınıstrliginiń Medısınalyq jáne farmasevtıkalyq qyzmetti baqylaý komıtetiniń mórlerimen jáne qoldarymen bekitilgen arnaıy jýrnalǵa tirkeý arqyly júzege asyrylady. Esepke alý jýrnaly bir jyl merzimge bastalady da, ondaǵy sońǵy jazba jazylǵan kúnnen bastap bes jyl ishinde saqtalady. 12. Dárilik zattardy áketýge ruqsat berýden bas tartýǵa sot tártibimen shaǵymdalýy múmkin.