Úlgi

Táýelsizdik qurdasy atanǵan bilim uıasy jyldan-jylǵa órken jaıyp keledi Qalalyq ákimdik elimizdiń tıisti zańnamalaryna sáıkes jas urpaqqa sapaly bilim berý qyzmetin jaqsartý maqsatynda qaladaǵy bir qa­zaq jáne bir orys mektep-gım­nazııasy endigi jerde tek gımnazııa bo­lyp atalsyn degen qalalyq bilim bóliminiń sheshimin bekitip berdi. Sóıtip, burynǵy №37 jalpy orta bilim beretin mektep-gımnazııa” memle­kettik mekemesi – “Semeı qala­synyń №37 gımnazııasy” mem­le­kettik mekemesi bolyp qaıta quryldy. Atalǵan bilim ordasyn táýel­siz­dik je­misi desek, artyq aıt­qandyq emes. О́ıtkeni, ol qo­ǵam­dyq pikirge oraı 1992 jyl­dyń ja­zynda osynda ja­ńadan ashyl­ǵan tuńǵysh qazaq mek­tebi. Bul endi aıt­qanǵa ǵana ońaı. Áıtpese tá­ýel­­siz­diktiń eleń-ala­ńyn­­daǵy qarbalas shaq­ta bir jazda jańa­dan mek­­tep salyp, ony qa­tarǵa qosý ońaıǵa tús­pe­gen. So­laısha atal­ǵan jyl­dyń kúzinde 700 oqý­shyǵa esep­tel­gen ar­na­ıy tıptik joba­daǵy jańa mektep iske kirisip ketken. Eldiń tilegimen salynǵan sol bilim ordasy búginde ózine júktelgen mindetti abyroımen atqaryp keledi. Máselen, qazirde munda 119 ustaz eńbek etip jatsa, sonyń 23-i –  joǵarǵy, 51-i –  bi­rin­shi, al 27-i ekinshi sanatty mu­ǵa­lim. Olardyń ishinde 8 ustaz Qa­zaqstan Respýblı­ka­synyń oqý-aǵartý isiniń ozyq qyzmetkeri belgisimen, 10-y Bilim jáne ǵylym mı­nıstrliginiń qurmet gramota­sy­men marapattalǵan. Mektepte gım­nazııalyq synyptar jyl saıyn arta tústi. Aıtalyq, olardyń sany budan úsh jyl buryn 17 synyp bolsa, burnaǵy oqý jylynda – 21, al bıylǵy jyly 24 sy­nypqa jetti. Sonyń nátıjesinde pánderdi te­reń­­dete oqytýǵa múmkinshilik ashyldy. 2003-2004 oqý jylynan bastap atalǵan bilim ordasy “ózin-ózi taný” pánin oqy­týdyń ekspe­rı­ment­tik alańy bolyp taby­lady. Mek­tep ujymynyń maqsatty jáne jos­par­ly jumysynyń nátıjesinde onyń qala mektepteri arasyndaǵy reıtın­gisi jyldan-jylǵa kóterilip keledi. Aıtalyq, osydan úsh jyl buryn bular qala boıynsha ekinshi oryndy ıelense, mine, sońǵy eki jyldan beri birinshi orynnan kórinýde. Sóz basynda bul bilim ordasy­nyń 700 oqýshyǵa arnap salyn­ǵa­nyn aıttyq. Al qazirde munda oqý­shy sany odan eki eseden astam artyq. Munyń ózi osynda oqýǵa tilek bildirýshilerdiń ýaqyt ótken saıyn arta túsip kele jatqanyn kór­setse kerek. Solaı deı tur­ǵanmen, oqýshy sanynyń shamadan tys kóp bolýy túrli qıyndyq­tar­dy týyndatatyny da ras. Abyroı bol­ǵanda soǵan qaramastan, sońǵy úsh jyl­daǵy mundaǵy bilim sapasy 58 paıyzdan 68 paıyzǵa kóterilip otyr. Soǵan sáıkes Ulttyq bir­yń­ǵaı testileý nátıjesi de kóptegen kórsetkishter boıynsha jyl ótken saıyn joǵarylaı túsip keledi. Soǵan oraı oblystyq bilim bas­qarmasynyń bastyǵy E.Nábıev myr­zanyń atynan mektep dı­rektory J. Stambekovtiń atyna kelip túsken alǵys hatynan úzindi keltire ketsek, artyq bolmas dep oılaımyz. “Sizge jáne sizdiń ujy­myńyzǵa shyǵarma­shy­lyq eńbek­te­rińizdiń arqasynda Ardaq Ahatova jáne Aıbek Moldabekov syndy oqý­­shylaryńyzdyń ústimizdegi jylǵy jal­py bilim beretin pánder boıynsha oqýshy­lar­dyń respýb­lı­kalyq ǵylymı jarys­ta­rynyń jáne “Jyr alyby – Jambyl” atty respýblıkalyq aıtystyń júlde­gerleri atanyp, joǵary ná­tı­jege jetkeni úshin alǵys bil­di­remin.” Mektep basshysy atyna osyn­daı mazmundaǵy hat  Qazaqstan – Brıtan tehnıkalyq ýnıver­sı­te­tiniń basqarýshy dırektory F.Gadjıev pen L.N.Gýmılev aty­ndaǵy Eýrazııa Ulttyq ýnıver­sı­teti zań fakýltetiniń dekany Sh.Tilepınadan da kelip túsipti. Onyń ekeýi de ózderinde úzdik oqyp jatqan osy mekteptiń tú­lek­te­rine joǵary deńgeıde bilim berip, jo­ǵary oqý ornyna qajetti dáre­jede daıyndaǵany úshin atalǵan bilim ordasyna alǵystaryn bildiripti. Mektep oqýshylarynyń bilim kór­setkishterin aıqyndaıtyn mun­daı jarqyn mysaldardy odan ári jalǵastyra berýge bolady. Aıtalyq, mektep túlekteri qalalyq jáne oblystyq pán olımpıa­da­larynda jyl ótken saıyn jeńis tuǵy­ry­nan kóptep kórinýde. Mu­nyń syrtynda olardyń bir toby túrli deńgeıde ótkizilip kele jatqan ıntellektýaldy kon­kýrs­tarda joǵary kórsetkishterdi turaqty túrde ıelenýde. Al oǵan mekteptiń materıaldyq-tehnıkalyq bazasynyń jyldan-jylǵa jaqsara túsip kele jatqandyǵy da birden-bir sebep pe deımiz. Máselen, fı­zıka, hı­mııa, matematıka, bıologııa, tarıh ka­bı­netterinde ınteraktıvti qondyrǵylar ornatylǵan. Al ótken jyly jańa kom­pıý­ter synyby alynyp, iske qosyldy. Sonymen búgingi kúni táýel­siz­dik gım­nazııasy atanyp otyrǵan bilim ordasynan osy ýaqytqa deıin qanattanyp ushqan túlekter ishinen  35-i  “Altyn belgi”, al 55-i “Úzdik at­testat” ıegeri atanypty. Munyń sy­rtynda 7 túlek qazirgi kúni “Bolashaq” baǵdarlamasymen alys shet elderde bilim alyp jatqan kó­ri­nedi. Sonyń bári mektep ujy­mynyń, onyń ishinde osy bilim or­dasyn uzaq jyldan beri bas­qa­ryp kele jatqan Jumaǵazy Stam­be­kovtiń qajyrly eńbegi ekendigine eshkimniń daýy bolmasa kerek. Endi, mine, keshegi táýelsizdik mektebi táýelsizdik gımnazııasyna aınalyp otyr. Soǵan oraı qalalyq bilim berý bóliminiń bastyǵy Mánsýra Dúısembaeva hanymnan gımnazııa basshysynyń atyna arnaıy hat kelip túsipti. Bul hatta mektep már­te­be­siniń ózgerýine baılanysty ata-analarmen túsin­dirý jumystary tııanaqty túrde júr­gizilip, gımnazııaǵa qabyldanbaı qalatyn oqýshylardy basqa bilim berý meke­me­lerine ornalastyrýdy qatań qadaǵalaýdy tapsyrypty. Bul da jón sóz. Keshegi táýelsizdik mektebiniń, búgingi táýelsizdik gımnazııasynyń  mártebesi buryn­ǵydan da joǵarylaı túsýi zań­dylyq. Dáýlet SEISENULY, Semeı.