Qyzylorda oblystyq fılarmonııasynda kameralyq orkestr ashyldy

QYZYLORDA. 15 qazan. Qyzylorda oblystyq fılarmonııasynda kameralyq orkestr ashyldy. «Syr medıa» JShS janyndaǵy oblystyq kommýnıkasııa ortalyǵynda ótken brıfıng barysynda fılarmonııa dırektory Talǵat Maqashev osylaı málimdedi. Bul týraly egemen.kz tilshisi habarlady. Talǵat Maqashevtyń aıtýynsha, Grýzııa eliniń memlekettik fılarmonııasymen áriptestik týraly memorandýmǵa qol qoıylyp, sonyń aıasynda 2015-2020 jyldary arasynda konsertter men sheberlik sabaqtary ótkizilmek. Jıynǵa fılarmonııanyń rejısseri Ońtalap Nurmahanov, Qazaqstan Respýblıkasynyń eńbek sińirgen ártisi Kúlán Qalymbetova, «Tomırıs» bı ansambliniń jetekshisi Gúlbaný Myrzabaeva, dástúrli ánshi, «Eren enbegi úshin» tósbelgisiniń ıegeri Shynbergen Tileýsov qatysyp, óner ordasynyń 2015 jylda atqarylǵan jumystar barysy týraly aıtyp berdi. Erjan Baıtiles. Derek: egemen.kz. Sýret: e-kyzylorda.gov.kz.