PETROPAVL. 3 shilde. «QAZTEHMASh» mashına qurylysy zaýyty» JShS-de sheteldik ozyq tehnologııalarǵa negizdelgen alǵashqy astyq kombaıny shyǵarylyp, Memleket Basshysy N. Nazarbaevtyń qatysýymen ótken ulttyq telekópirde tanystyrylý rásimi jasaldy. Bul týraly oblystyq ákimdiktiń baspasóz qyzmeti habarlady.
Kásiporynda buǵan deıin 2-3 tirkemeli, jemazyq taratqysh,press jınaǵysh, 2 rotorly tyrnaýysh, dıskili shóp mashınasy tehnıkalary qurastyrylyp, óndiristik synaqtan oıdaǵydaı ótipti. Fınlıandııanyń «Sampo Rosenlew Ltd» fırmasynan kelgen bas tehnolog Mıkko Lefıaııarvı negizgi qyzmet aýyl jáne kommýnaldyq sharýashylyqtary jáne júk tasymaldaýǵa arnalǵan tehnıkalar óndirisin uıymdastyrýǵa baǵdarlanǵanyn, 2018 jylǵa taman 400 kombaın, 500 traktor, 1200 ózge de tehnıkalar birliginshyǵarý múmkindigine ıe bolatynyn jetkizdi. Bul jobaǵa sondaı-aq Avstrııa men Polshanyń fırmalary da ınvestısııa quıyp otyr.
Búginde Qazaqstanda astyq jınaıtyn tehnıkalardyń 80 paıyzǵa jýyǵy normadaǵy 8-10 jyl ornyna 13-15 jyl qoldanysta júrgenin, sońǵy 7 jylda bul saladaǵy ımporttyń úlesi 340 mıllıon dollarǵa artqanyn eskersek, zamanaýı tehnologııalarmen jabdyqtalǵan, quny 1,9 mıllıard teńgeni quraıtyn serpindi jobanyń bolashaǵy kemel. Osynda qurastyrylǵan tehnıkalar elimizdiń Qostanaı, Aqmola, Shyǵys Qazaqstan, Pavlodar, Qostanaı oblystarymen qatar Reseıge, Aýǵanstanǵa, Monǵolııaǵa, Qytaıǵa jóneltiletin bolady.
О́mir Esqalı.
Derek, sýret: Soltústik Qazaqstan oblysy ákimdiginiń baspasóz qyzmeti.
