«Nur Otan» partııasy Tóraǵasynyń birinshi orynbasary Asqar Myrzahmetov Aıdyn Aıymbetovti «Halyq qaharmany» atanýymen quttyqtady.
Elbasy Jarlyǵymen Qazaqstannyń úshinshi ǵaryshkeri Aıdyn Aqanuly Aıymbetovke Altyn Juldyz ben «Otan» ordeni tapsyrylyp, «Halyq qaharmany» jáne «Qazaqstannyń ǵaryshker-ushqyshy» qurmetti ataǵy berilgeni belgili. Osyǵan oraı, «Nur Otan» partııasy Tóraǵasynyń birinshi orynbasary Asqar Myrzahmetov ǵaryshkerge quttyqtaý joldady:
«Ǵarysh keńistigin ıgerýge sińirgen asa zor eńbegińiz ben batyrlyǵyńyz úshin «Halyq qaharmany» jáne «Qazaqstannyń ǵaryshker-ushqyshy» qurmetti ataqtarynyń berilýimen shyn júrekten quttyqtaımyn! Siz osynaý erligińizben Qazaq eliniń ataǵyn álemge áıgilep qana qoımaı, elimizdiń ǵarysh salasynyń damýyna úlken úles qostyńyz. Táýelsizdikke qol jetken kúnnen beri Elbasy saıasatymen qaryshtap damyp otyrǵan elimiz ǵarysh keńistigin ıgerýde de bıikten kórinip, iri jobalardy júzege asyrýda. Sol jetistikterdiń júıeli jalǵasy ispetti sizdiń saparyńyz óskeleń urpaqty otansúıgishtikke, maqsatkerlikke tárbıeleýge úlken yqpal etetini sózsiz. Halqyńyzdyń ystyq yqylasyna bólegen osynaý tolaǵaı tabystaryńyz keler kúnderdegi jeńisterińizge bastaý bolsyn, deı kele, sizge zor densaýlyq, jańa belesterdiń jetistigin, otbasyńyzǵa baq-bereke tileımin!» – delingen partııa Tóraǵasy birinshi orynbasarynyń quttyqtaýynda.
«Egemen-aqparat».
Aıdyn bul qurmetke ábden laıyq
Barsha Qazaq eli úshinshi ǵaryshkerimiz Aıdynnyń sátti oralýyn tilep, alańdap, túni boıy kóz ilmeı, asyǵa kútkenderi keshe ǵana edi. Shyn máninde Aıdyn ultymyzdyń aıbynyn asyryp, rýhyn kóterdi. Endi mine, ǵaryshkerimizdiń batyr ataǵyn alyp, Elbasy Jarlyǵymen «Halyq qaharmany» atanǵany eldi taǵy bir qýantty. Shynynda bul óte aıryqsha máni bar oqıǵa. Toqtar Áýbákirov, Talǵat Musabaev sekildi aldyńǵy tolqyn aǵalarynyń jolyn jalǵap, eli men ultynyń abyroıyn kótergen Aıdyn Aıymbetov bul qurmetke ábden laıyq. Bul tek Aıdynnyń ǵana emes, osy eldiń abyroıyn kókke kótergen oqıǵa boldy. Árıne, ǵaryshqa úshinshi qazaqtyń ushýy Elbasy Nursultan Nazarbaevtyń bedeli, iskerlik qasıetiniń arqasynda múmkin bolǵanyn bárimiz sezip, kórip otyrmyz. Álemde eki júzden asa memleket bar bolsa, solardyń basym bóliginiń ǵaryshkerlerin ushyrýǵa múmkindikteri joq eken. Elbasymyz aıtqandaı, mundaı múmkindigi bar elder sırek jáne biz osy memleketterdiń arasyndamyz. 1960 jyly álemdegi eń iri ǵarysh aılaǵy bolyp sanalatyn Baıqońyrdyń qurylysy bastaldy. Dál osy jerden 1961 jyly adam jerdiń tartylys kúshin eńserip, ǵaryshqa ushty. Sodan beri biz Baıqońyrdan ushqan adamdardyń barlyǵyn ózimizdiń jerlesterimizdeı qabyldaımyz. Búginde Qazaqstannyń jer serikteri mańyzdy kommýnıkasııalyq jáne ǵylymı-zertteý qyzmetterin atqarýda. Polkovnık Aıdyn Aıymbetov sapar barysynda ózine júktelgen barlyq mindetti oryndady. Osy maqsatqa bólingen qarajat uzaq merzimdi, keleshekte ózin aqtaıdy jáne is júzinde zor paıda ákeletin bolady. Aıdyn batyrymyzdyń «Halyq qaharmany» atanýy ásirese, jas urpaqtyń, jastardyń jigerin janyp, úlken armanǵa jetelep, qııalyna kúsh-qýat bergeni anyq. Murathan ShÚKEEV, Baızaq aýdanynyń ákimi. Jambyl oblysy.Toqtar men Talǵattyń izbasary
Aıdyn Aıymbetov baýyrymyzdyń halyq aldyndaǵy bedeline, abyroıyna árqashan tilektespiz. О́ıtkeni, aspan áleminde jumys isteý ońaı emes. Ushý sapary tolyq daıyndyqty, muqııat ázirlikti qajet etedi. Bul – kez-kelgen adam turmaq, kásibı ushqyshtardyń mańdaıyna jazyla bermeıtin baqyt. Árıne, ǵarysh ǵalamatyn ıgerýge memlekettik deńgeıde mán beriledi. Bul óte úlken jaýapkershilik degen sóz. Ekiniń biri shydas bere bermeıtin osyndaı sapardan aman-esen oralǵan Aıdyn baýyrymyzǵa berilgen «Halyq qaharmany» ataǵy qutty bolsyn! Ol – Qazaqstannyń joǵary marapatyna ábden laıyq tulǵa. Táýelsizdiktiń shırek ǵasyryna jýyq ýaqytta oryndalǵan otandyq ǵarysh saparyn júzege asyrýda Memleket basshysy Nursultan Nazarbaevtyń eńbegi zor. Elbasy Reseı Federasııasymen tıimdi kelisimder júrgize otyryp, memleket mereıin arttyrǵan mártebeli juldyzdy jol saparyna qol jetkizdi. Bul oqıǵa Qazaqstannyń ǵaryshty baǵyndyrý tarıhynda altyn áriptermen jazylatyn bolady. Baǵlan RAIYMHANOV, Qazaqstannyń eńbek sińirgen jattyqtyrýshysy. О́SKEMEN.Batyrǵa laıyq baǵa
Taǵy bir ulanymyz ǵaryshqa samǵap, elimizdiń eńsesin kóterip, halqymyzdyń abyroıyn asqaqtatqany kúni keshe ǵana. Munda Elbasy Nursultan Nazarbaevtyń Reseı aldyndaǵy bedeli men yqpalynyń zor ekenin de aıtý lázim. Tańdaýdyń Aıdyń Aıymbetovke túsýi de tegin emes. Ol buryn da ǵaryshkerler daıyndyǵynan ótip, áne-mine ushady dep aıtylyp júrgen azamat bolatyn. Qazaq ǵaryshkeri Elbasy senimin aqtady, aldyna qoıylǵan mindetterdi abyroımen oryndap, jerge aman-esen oraldy. Bul – tek ultyn súıgen, eline qyzmet etýdi basty maqsat etken adamnyń ǵana qolynan keletin is, Otanǵa qaltqysyz qyzmet etýdiń eren úlgisi. Osyndaı joldan múdirmeı ótip, batyrlyq pen batyldyq, biliktilik pen bilimdilik kórsetken ǵaryshker ulanyn halqy qurmetpen qarsy alyp, alaqanyna salyp aıalaýy óte oryndy. Elbasynyń ǵaryshker Aıdyn Aıymbetovke «Halyq qaharmany» ataǵyn berýi, Altyn Juldyz ben «Otan» ordenin tapsyrýy barsha qazaqstandyqtardy qýanyshqa bóledi. Bizdiń mereıimiz ósip, batyrǵa laıyq baǵalaý ekenin túsindik. Eliniń mereıin ósirgen ultymyzdyń ulany mundaı joǵary ataqqa ábden laıyq. Aldyńǵy tolqyn qazaq ǵaryshkerleri Toqtar Áýbákirov pen Talǵat Musabaev salǵan batyrlyq pen batyldyq jolyn laıyqty jalǵastyra bildi. Artynda namysyn jyrtyp qalyń eli turǵanyn Aıdyn inimiz aıqyn sezindi. Sóıtip, ol ǵarysh keńistigine óz jolyn salyp qana qoımaı, Qazaqstandy ǵaryshkerleri úshten kem emes álemdegi toǵyz eldiń qataryna qosty. Bul – tańǵajaıyp tabys, talassyz tarıhı oqıǵa. Mundaıda keýdeńdi maqtanysh sezimi kernep, ǵaryshker Aıdyn Aıymbetov pen onyń ǵarysh keńistigin ıgerýge qosqan zor úlesi men batyrlyǵyn baǵalaı bilgen Elbasy Nursultan Nazarbaevqa alǵys sezimimizdi bildirip, ıgi tilegimizdi aıtýdy azamattyq paryzymyz sanaımyz. Jasa, Kók baıraqty Qazaqstan, jasa qazaqtyń batyr ulandary deý oryndy mundaıda. Izbasqan AIMAǴAMBETOV, Qazaqstan Respýblıkasynyń eńbek sińirgen dárigeri. Aqtóbe oblysy.
