JAŃA...

Jańa eki murajaı esigin ashty “Kóneniń kózi, asyldyń ózi”, degen. Tarıh tamyrshysy qundy jádigerler jınaqtalǵan murajaılardyń búgingi urpaqqa berer taǵylymy mol. Sondyq­tan da, Eńbekshiqazaq aýdanyn­da­ǵy “Usta Dárkembaı qolóner murajaıy” qazynalyq kásipor­ny men oblystyq Shelek ól­ke­taný murajaıy kúrdeli jón­deý­den keıin jańa jádigerlermen tolyqtyrylyp, esigin aıqara ashty. Zerger Dárkembaı Shoqpar­uly­nyń kózi tirisinde tirnektep jınaqtaǵan 2400 qundy jádiger­leri halyqtyń rýhanı baıly­ǵy­na qosylǵan. Murajaıdy jóndeýge bıýdjetten 50 mln. teńge jumsalyp, “G-Prigress” jaýapkershiligi shekteýli serik­testigi jóndeý jáne árleý jumystaryn aıaqtap, halyqtyń qundy qazynany kózben kórip, rýhanı lázzat alýyna jaǵdaı jasady. Al, oblystyq Shelek ól­ketaný murajaıyndaǵy ár bólme tamyry tereń halyqtar arasyndaǵy birlikti, el ekono­mıkasyn órkendetý úshin ter tókken azamattardyń eńbegin, Otan úshin ot keshken batyrlar­dyń erligi men tabıǵat tańǵa­jaıyp­tarymen tolyqtyrylǵan. Munda da jóndeý jumystary sa­paly júrgizilip, ásem bezen­dirilgen murajaı kórki kóńilden shyqqandaı. Kúmisjan BAIJAN. Almaty oblysy. Jańa ǵımarat salyp berdi Túrkistanda “Otaı-stroı” qurylys kompanııasy til múkisi, aqyl-esi, kórý, estý qabileti na­shar 18 jasqa deıingi múmkindigi shekteýli balalarǵa 1 aı 10 kún­de bıznestiń áleýmettik jaýap­ker­shiligi aıasynda jańa ǵımarat salyp berdi. Psıhologııalyq-pedagogıka­lyq túzetý mekemesiniń 2004 jyldan beri ár ǵımaratty jalǵa alyp júrgeni qala ákimi Qaırat Moldaseıitovtiń qabyrǵasyna aıazdaı batsa kerek. Ákimdikke deıin óz qoltańbasy qalǵan qurylys kompanııasyna usynys bergen. Sonyń arqasynda 100 balaǵa arnalǵan 18 bólmeli jańa nysanda 74 bala tárbıelenip jatyr. Qaıyrymdylyq – musyl­man balasy úshin úlken saýap. Qu­rylys kompanııasy bas­shy­lary “Eń úlken alǵys –balalardyń qýanyshy”, – dedi. Baqtııar TAIJAN. Ońtústik Qazaqstan oblysy. Jańa baılanys bólimshesi Atbasar aýdanynda 27 poshta bólimshesi jumys istese, sonyń 22-si aýyldyq jerlerde. Biraq, daǵ­darystyń salqyny áli de baı­qalady. Sebebi, baılanys bólimsheleriniń barlyǵy ákimdik nemese mádenıet úıleriniń bir buryshyna japsarlasyp, jalger atanyp otyr. Mundaı kiriptarlyq “Jol kartasy” baǵdarlamasy arqyly joıyla bastady. Sonyń biri – Marınovka aýylynda zamana­lyq talaptarǵa saı salynyp, ozyq uıymdastyrý quraldary­men jabdyqtalǵan jańa ǵıma­rat­tyń paıdalanýǵa berilýi. Onyń qurylysyn “Omısstroı” jaýapkershiligi shekteýli serik­testigi 2009 jyly bastap, sapaly aıaqtady. – “Jol kartasy” baǵdarla­ma­symen oblysta osyndaı 8 joba qolǵa alyndy. Bizdiń maq­satymyz – aýyl turǵyndaryn poshta baılanysy qyzmetiniń zamanalyq ári keshendi túr­leri­men qamtamasyz etý,– deıdi “Qazposhta” AQ oblystyq fı­lıalynyń dırektory Janbota Bókenov. Baqbergen AMALBEK. Aqmola oblysy.