ALMATY. 22 mamyr. Balabaqshaǵa tótennen urynǵan djıp kóliginiń qurbany bolǵan Káýsar esimdi bes jasar búldirshin jer qoınyna tapsyryldy. Bul týraly egemen.kz habarlady.
Qala halqy áli kúnge deıin osynaý jantúrshigerlik oqıǵanyń mánisin túsine almaı, jaǵasyn ustap júr. Oqıǵa bolǵan Súleımenov kóshesindegi №58 bala baqshanyń aýlasyna turǵyndar áli kúnge deıin gúl shoqtaryn ákelip qoıyp jatyr. Al «Juldyzsha» dep atalatyn toptyń tárbılenýshi balalary kesheden bastap bala baqshaǵa kele bastady. Káýsar – osy toptyń túlegi bolatyn. Asa aýyr jaraqat alǵan bir búldirshin aýrýhananyń jansaqtaý bóliminen palataǵa shyǵaryldy.
Aıta keteıik, 20 mamyr kúni der sátinde toqtaı almaǵan «Toıota Lend Krýzer» djıpi №58 bala baqshanyń aýlasyna kirip ketken. Rýlde 46 jasar áıel otyrǵan. Keıinnen júrgizýshiniń ishimdik ishpegeni anyqtaldy. Aýlada alańsyz oınap otyrǵan Káýsar esimdi bir qyz avtomobıl dóńgeleginiń astynda qalyp, qaıtys boldy.Ártúrli jaraqatpen 9 búldirshin aýrýhanaǵa jetkizilgen.
Talǵat Súıinbaı.
Derek,sýret: egemen.kz.
