TARAZ. 16 qazan. Taraz qalasyndaǵy «Taraz-Arena» sport saraıynda ishki ister organdarynda jáne orta mektepterdiń ishki esebinde turǵan «qıyn toptaǵy» kámelettik jasqa tolmaǵan balalardyń ataqty sportshylar jáne sport ardagerlerimen kezdesýi ótti. Bul týraly egemen.kz tilshisi habarlady.
Jambyl oblystyq sport basqarmasyna 2015 jyldyń jańa oqý jylynda ishki ister organdarynda esepte turǵan qıyn toptaǵy 225 bala bólinip berilgen. Ol balalardyń 150-i aýdandyq sport bólimderine, 75 bala qaladaǵy 7 sport mektebine ornalastyryldy. Qazirgi tańda 30-dan asa bala qaladaǵy sport mektepterinde fýtbol, boks, taekvondo, qol kúresi, júzý, velosport, erkin kúres, grek-rım, sambo, qazaq kúresi, dzıýdo jáne taǵy basqa sport túrlerinen seksııalarǵa qatysýda. Ár bala belgilengen sport túri boıynsha jattyqtyrýshylarǵa júktelip, sol balalarmen jumystar júrgizilýde.
Kezdesýde oblystyń ataqty sportshylarynyń qataryndaǵy armrestlıngten birneshe dúrkin álem chempıony Dmıtrıı Trýbın, júzýden búkilálemdik oıyndardyń jeńimpazy jáne alty dúrkin álem chempıony Gabıdýllına Zýlfııa, bokstan jastar arasyndaǵy Azııa chempıony Tursynáli Aldııar, sambodan 4 dúrkin álem chempıony Mýsabekov Almas, sport ardageri Lobanova Marııa sporttaǵy jetistikteri jaıly áńgime qozǵady.
Kezdesý barysynda balalarǵa sportpen aınalysý arqyly qandaı jetistikterge jetýge bolatyndyǵy túsindirildi.
Sportshylarmen kezdesý aıaqtalǵannan keıin balalarǵa «Taraz-Arena» sport saraıymen tanystyrý júrgizildi.
Oralhan Dáýit.
Derek, sýret: egemen.kz.
