Jambyl oblysynda jol polısııasy qyzmetkerleri jazaǵa tartyldy

TARAZ. 16 qazan. Qordaı aýdandyq sotynda ishki ister departamenti jol-patrýldik polısııa qyzmetkerlerine qatysty qylmystyq is qaraldy. Bul týraly Jambyl oblystyq sotynyń baspasóz qyzmetine silteme jasaǵan egemen.kz tilshisi habarlady. Jambyl oblystyq ishki ister departamenti ákimshilik polısııa áskerı bóliminiń polısııa qyzmetkerleri J.Jarasov pen N.Alpysbaev Qylmystyq kodekstiń 362-babynyń 4-bóligi 1, 3 tarmaqtarymen (Laýazymdyq ókilettikterdi asyr paıdalaný) aıyptalyp sot aldyna keldi. Osy jyldyń aqpan aıynda aıyptalýshylar Almaty-Tashkent tas jolynda avtokólik toqtatyp, júrgizýshini qarsy jolǵa shyqty dep aıyptaǵan. О́z kezeginde júrgizýshi polısııa qyzmetkerleriniń formasynan jetondy baıqamaı, olardan qyzmettik kýáligin kórsetýin suraǵan. Júrgizýshiniń jaýabyna, polısııa qyzmetkerleri onyń qolyn qaıyryp, ákimshilik hattamany toltyrýdan bas tartqany úshin 10 000 teńge aqsha talap etken. Júrgizýshi óziniń eshqandaı jol erejesin buzbaǵanyn aıtyp, suraǵan somany berýden bas tartqan. О́z kóligine otyryp júrgizýshi polısııa qyzmetkerleriniń keıingi is-áreketterin uıaly telefonnyń kamerasyna túsire bastaǵan. J.Jarasov óziniń qylmystyq oıyn aıaqtaý maqsatynda, júrgizýshi kýáligin qaltasyna tyǵyp qoıyp, júrgizýshiden ony talap ete bastaǵan. Artynan avtokólikti aıyppul turaǵyna alyp baramyn dep qorqytqan. Aıyptalýshylar kúsh qoldaný arqyly telefondy tartyp alyp, sotqa berilmegen tulǵaǵa bergen. Uıaly telefondaǵy jazbanyń óshkenine kózderi jetip, qyzmetkerler júrgizýshige kýáligi men telefonyn polısııa organdaryna shaǵymdanbaý shartymen qaıtaryp bergen. Sot úkimimen J.Jarasov Qylmystyq kodekstiń 362-babynyń 4-bóliginiń 1, 3 tarmaqtarymen kináli dep tanylyp, jeti jyl alty aıǵa bas bostandyǵynan aıyrý jazasy taǵaıyndalyp, jazany túzeý kolonııasynyń jalpy rejıminde óteý belgilendi. Sonymen qatar, «polısııa starshınasy» sheninen aıyryldy. N.Alpysbaev Qylmystyq kodekstiń 362-babynyń 4-bóliginiń 1, 3 tarmaqtarymen kináli dep tanylyp, jeti jylǵa bas bostandyǵynan aıyrý jazasy taǵaıyndalyp, jazany túzeý kolonııasynyń jalpy rejıminde óteý belgilendi. Ol da «polısııa starshınasy» sheninen aıyryldy. Sonymen qatar, sottalǵandar quqyq qorǵaý organdarynda jáne jergilikti basqarý organdarynda memlekettik qyzmetpen aınalysý quqyǵynan ómir boıyna aıyryldy. Jeke múlikterin tárkileý belgilendi. Jábirlenýshiniń J.Jarasov pen N.Alpysbaevtan materıaldyq zalal jáne moraldyq zııan óndirý týraly talap aryzy ishinara qanaǵattandyryldy. Materıaldyq zalaldyń somasy 102 650 teńgeni qurady. Moraldyq zııannyń somasy – 100 000 teńge. Úkimdi jarııalaý Qordaı aýdandyq ishki ister bóliminiń akt zalynda barlyq jeke quramnyń qatysýymen ótti. Oralhan Dáýit. Derek: egemen.kz. Sýret: azh.kz.