Qurmetti otandastar!

Qazaqstan halqy Assam­b­leıasy cizderdi súıikti elordamyz – Astana kúnimen shyn júrekten quttyqtaıdy! Qazaqstan Res­pýb­lı­ka­synyń Prezıdenti – Elbasy N.Á.Nazarbaevtyń saıası erik-jigeri men tarıhı bas­ta­malarynyń arqasynda qa­sıetti Saryarqa dalasynda ózine ǵana tán biregeı sáýletimen arman qala boı kóterdi. Astana – birlik pen berekeniń, Otanymyzdyń telegeı tabystarynyń sımvoly, Qazaqstan halqy qol jetkize alatyn sheksiz múmkindikterdiń úlgisi. Astana Táýelsiz Qazaqstandy álemge tanytty. Munda álemdik kóshbasshylardyń kezdesýleri, asa ózekti saıası, ekonomıkalyq jáne áleýmettik-mádenı máseleler boıynsha joǵary deńgeıdegi halyqaralyq is-sharalar ótkizilip keledi. Ol Eýrazııanyń kindik qalasyna – elderdiń ornyqty damý joldaryn aıqyndap, halyqtar arasyndaǵy senim men ózara túsinistikti nyǵaıtý tetikteri qarastyrylatyn ortaǵa aınaldy. Búginde qazaqstandyqtar beıbit te baqytty zamanda ómir súrýde. Qazaqstandyq Uly jolmen júrip, elimiz damýdyń jańa deńgeıine kóterildi, al memlekettik sarabdal saıasat ekonomıkalyq ósý men áleýmettik damýdy qamtamasyz etti. Qazaqstan halqy Assambleıasy jyly Memleket basshysy Qazaqstandy álemniń ozyq damyǵan 30 eliniń qataryna qosýdy kózdeıtin bes ınstıtýsıonaldyq reformaǵa bastamashylyq jasady. О́ziniń aýqymy jaǵynan teńdessiz «Barshaǵa arnalǵan qazirgi zamanǵy memleket – 100 naqty qadam» Ult jospary qabyldandy. Bul bizdiń elimiz úshin kúrdeli synaq kezeńinen senimmen ótetin berik­tik qoryn qalyptastyrady, «Qazaqstan-2050» Strategııasyn iske asyrýǵa, qazaqstandyq memle­kettilikti nyǵaıtýǵa múmkindik beredi. Alǵa qoıylǵan mindetterdiń tabyspen iske asyrylýy Astananyń odan ári órkendep, keleshegi kemeldene túsýi úshin jańa múmkindikter ashatynyna senimimiz zor. Qurmetti jerlester! Barlyq qazaqstandyqtardy Astana kúnimen, beıbitshilik jáne kelisim astanasynyń merekesimen quttyqtaımyz! Bizdiń maqtanyshymyz, Otanymyzdyń júregi – arý Astananyń juldyzy árqashan jaryq bolsyn! Astana – Qazaqstannyń zor qýaty men bula kúshi. Bul – otandastarymyzdyń izgi úmitteri aqtalyp, baqyt jolyna bastaıtyn arman qala. Aldaǵy ýaqytta da Astana qaıtalanbas kelbe­timen, kóz tartar sulýlyǵymen jáne ushqyr jańa­shyldyǵymen barshamyzdy qýanta bererine senimimiz mol. Mereke qutty bolsyn, qurmetti qazaqstandyqtar! Týǵan kúnińmen, elordamyz Astana! Qazaqstan halqy Assambleıasy.