Rıgada burynǵy Keńes odaǵy quramyndaǵy 6 eldiń sammıti ótýde

ALMATY. 22 mamyr. Latvııa astanasy Rıga qalasynda burynǵy Keńes odaǵynyń 6 respýblıkasy bas qosqan Eýropalyq odaq sammıti ótip jatyr. Jıynnyń baǵdarlamasy «Shyǵys áriptestigi» dep atalady. Túpki maqsat – burynǵy KSRO memleketterin jalpyeýropalyq saıası, ekonomıkalyq keńistikke tartý. Bul týraly Assoshıeıted press habarlady. 2009 jyl qurylǵan «Shyǵys áriptestigi» baǵdarlamasyna Ýkraına, Moldavııa, Ázerbaıjan, Armenııa, Grýzııa jáne Belarýssııa respýblıkalary qatysady. Eýropalyq Keńestiń jetekshisi Donald Týsk sammıtti ashý barysyndaǵy sózinde Máskeýdiń beıbit kórshilerine «basqynshylyqpen kúsh kórsetý taktıkasyn» qoldanyp keletinin basyp aıtty. Týsk óz sózin: «Reseı oılaǵandaı – biz, Máskeýdi postkeńestik keńistikke ıtermeleýden aýlaqpyz, Shyǵys áriptestigi eshkimge qarsy qurylmaǵan, kerisinshe, qatysýshy memleketter arasyndaǵy yntymaqtastyqty naǵaıtýǵa baǵyttalǵan»,– dep túıindedi. Rıgaǵa attanar aldynda býndestagta sóılegen sózinde Germanııa kansleri Angela Merkel – bul uıymnyń jáne onyń qyzmetine túsinistikpen oń qabaq tanytyp keletin Eýropalyq odaqtyń ekspansıonıstik pıǵyldan ada ekenin de atap ótti. «Kimmen tyǵyz baılanys jasap, kimmen qatynas ornatý árbir áriptes memleketterdiń  táýelsiz erki bolyp sanalady. Oǵan bóget jasaýǵa eshkimniń quqy joq»,– dedi kansler. Talǵat Súıinbaı. Derek, sýret:AR.