Tarazda oqytý tehnologııasyn jetildirýge baılanysty semınar ótti

TARAZ. 16 qazan. Taraz qalasynda «Oqytý baǵdarlamalary men mazmuny, oqytý tehnologııasyn jetildirý» respýblıkalyq semınar-trenıngi ótti. Bul týraly egemen.kz tilshisi habarlady. Is-sharaǵa Mádenıet jáne sport mınıstrligi tilderdi damytý jáne qoǵamdyq-saıası jumys komıteti muryndyq boldy. Bul semınar-trenıngtiń maqsaty – memlekettik tildi eresek adamdarǵa úıretetin oqytýshylardyń kásibı biliktiligin jetildirý, onlaın ádisimen ozyq tájirıbelerdi almasý jáne memlekettik tildi oqytý ortalyqtarynyń oqytýshylaryn yntalandyrý bolyp tabylady. Semınar-trenıngke ádisker ǵalymdar, til mamandary, til úırenýshiler, Astana, Almaty qalalary jáne oblys ortalyqtaryndaǵy memlekettik tildi oqytý ortalyqtarynyń basshylary men oqytýshy ádiskerleri qatysty. Sh. Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń dırektory, fılologııa ǵylymdarynyń kandıdaty Erbol Tileshov memlekettik tildi oqytýdyń tıimdi tehnologııalary men ádis-tásilderi týraly baıandama jasap, ádiskerler óz oılaryn ortaǵa saldy. Sondaı-aq, Jambyl oblysy tilderdi damytý basqarmasy memlekettik tildi oqytý ortalyǵynyń úzdik oqytýshylary panoramalyq sabaqtar men onlaın rejıminde sheberlik sabaqtaryn kórsetti. Oralhan Dáýit. Derek: egemen.kz. Sýret: nalogikz.kz.