О́ńir nazardan tys qalmaıdy

Keshe Premer-Mınıstrdiń orynbasary Berdibek Sapar­baev jumys saparymen Mańǵystaý oblysyna bardy. Sapar barysynda Vıse-premer ónerkásip kásiporyndary, áleýmet­tik ny­sandar jumysymen tanysyp, eńbek ujymymen kezdesti jáne óńir­di áleýmettik damytý máseleleri boıynsha birqatar keńester ótkizdi Jańaózen qalasynda B.Saparbaev «О́zenmunaıgaz» AQ jer asty jabdyqtaryn jóndeý boıynsha kásipornynda bolyp, onda óndiristik úderispen tanysty, sondaı-aq, munaı-gaz sektory kásiporyndarynyń jumysshylarymen kezdesti. Kezdesý barysynda áleýmettik salanyń ózekti máseleleri boıynsha múddeli suhbattasý ótti, ol aıaqtalǵan soń Vıse-premer problemalyq saýaldarǵa jaýap berdi. Premer-Mınıstrdiń orynbasary, sondaı-aq, turǵyn úı-kommýnaldyq sharýashylyǵy, áleýmettik sala kásiporyndarynyń qyzmetimen tanysyp, sý tazalaý stansasyn, «Aıgólek» balabaqshasyn jáne perzenthanany aralady, onda Jańaózen qalasynyń áleýmettik-ekonomıkalyq damýynyń keshendi josparyn jáne monoqalalardy damytý baǵdarlamasyn júzege asyrý barysy týraly tanystyrý ótti. Bıylǵy jyldyń 5 aıynda Jańaózen qalasynda shamamen 50 myń sharshy metr turǵyn úı salynyp, 2 myńnan astam jańa jumys orny ashylǵan, jumyssyzdyq deńgeıi bar bolǵany 1,8%-dy quraıdy. Ortasha aılyq jalaqy ótken jylmen salystyrǵanda 14%-ǵa artyp, 353 653 teńgeni qurady. Jalpy, keshendi jospardy júzege asyrý aıasynda úsh jylda áleýmettik sala nysandaryn, avtojoldardy salýǵa 35 mlrd. teńge jumsalǵan, bıylǵy jyly 3,7 mlrd. teńge qarastyrylǵan. Budan ózge, monoqalalardy damytý baǵdarlamasynyń arqasynda qala ınfraqurylymyn qurýǵa 1,2 mlrd. teńge kóleminde qarajat bólingen. Aqtaý qalasynda jumys sapary «Mańǵys­taýmunaıgaz» AQ-taǵy keńespen jalǵasty, onda jumys oryndaryn saqtaý, óndiristik úderisterdi  turaqtandyrý jáne qazaqstandyq qamtýdy damytý boıynsha aldynda jasalǵan memorandýmdar barysy talqylandy. Keńesti ashqan vıse-premer Memleket basshysynyń tapsyrmalaryn oryndaý aıasynda barlyq múddeli taraptar memorandýmdar sharttaryn qatań saqtaýlary tıis ekenin atap ótti. B.Saparbaev memorandýmdarmen qarastyrylǵan yntymaqtastyq boıynsha bastamalar búgingi tańdaǵy ekonomıkalyq syn-qaterlerdi joıýǵa múmkindik beretinin basa aıtty. Ol memlekettiń, bıznestiń jáne kásipodaqtardyń birlesken kúshteri halyqty jumyspen qamtýdy tómendetýge jol bermeýge jáne qıyn ýaqytta bızneske aıtarlyqtaı qoldaý kórsetýge múmkindik beretinine senim bildirdi. B.Saparbaev memlekettik organdarǵa Mańǵystaý oblysynyń áleýmettik damýy­na qatysty birqatar tapsyrmalar berdi. Aza­mat­tardyń ál-aýqaty ósimin arttyrýǵa barlyq re­sýrstar men múmkindikterdi paıdalanýǵa qatysty Prezıdent tapsyrmalaryn júzege asyrý mańyzdylyǵyna erekshe nazar aýdardy. So­nymen qatar, Vıse-premer oblys ákimdigine múd­deli memlekettik organdarmen birge «Aqtaý teńiz porty» AEA aýmaǵynda munaı-gaz óndi­retin kompanııalarǵa arnalǵan ónimder shyǵarýǵa baǵyttalǵan ShOB kásiporyndaryn ashý múm­kindigin qarastyrýdy tapsyrdy. О́ńirdiń áleýmettik damýy taqyryby Sh.Esenov atyndaǵy Kaspıı memlekettik tehnologııa jáne ınjınırıng ýnıversıtetinde áleýmettik sala jumysshylarymen jıyn arqyly jalǵasyn tapty, onda ózekti máseleler talqylanyp, Memleket basshysy qoıǵan mindetterdi odan ári júzege asyrý boıynsha naqty tapsyrmalar berildi. Vıse-premerdiń jumys sapary oblystyq aýrýhanany jáne Aqtaý qalasynyń birqatar bilim berý jáne sport nysandaryn aralaýmen aıaqtaldy, dep habarlady Premer-Mınıstrdiń baspasóz qyzmeti.